ဇွန်လ(၁၂)ရက်မှာကျရောက်မယ့် ကမ္ဘာ့ကလေးလုပ်သမားဆန့်ကျင်တိုက်ဖျက်ရေးနေ့ အကြိုသတင်းစာရှင်းလင်းပွဲကို ဇွန်လ(၁၁)ရက်က ရန်ကုန်မြို့ Pan Pacific Hotel မှာ ပြုလုပ်ခဲ့ပါတယ်။ ကလေးအလုပ်သမားဆန့်ကျင်တိုက်ဖက်ရေးနေ့ အကြိုသတင်းစာရှင်းလင်းပွဲမှာတော့ တစ်ကမ္ဘာလုံးက ကလေးအလုပ်သမားစိန်ခေါ်မှုကို ပိုမိုအာရုံစိုက်လာနိုင်စေရန်၊ (၂၀၂၅) ခုနှစ်မှာတော့ ကလေးအလုပ်သမား ပြသနာကင်းရှင်းစေရန်စတဲ့ ရည်ရွယ်ချက်တွေနဲ့ ပြုလုပ်ခဲ့တာဖြစ်တယ်လို့ သိရပါတယ်။ ကလေးအလုပ်သမားပပျောက်အောင်ကြိုးစားဆောင်ရွက်ရာမှာ အစိုးရ၊ စီးပွားရေးလုပ်ငန်းရှင်တွေနဲ့ အရပ်ဘက်အဖွဲ့အစည်းတွေ၊ လူမှုအဖွဲ့အစည်းတွေနဲ့ မိသားစုများကလည်း ကလေးသူငယ်များအရေးကို ဦးစားပေးဆောင်ရွက်ရမှာ ဖြစ်တယ်လို့ သိရပါတယ်။

တစ်ကမ္ဘာလုံးအတိုင်းအတာနဲ့ ဇွန်လ(၁၂)ရက်မှာတော့ ကမ္ဘာ့ကလေးလုပ်သမားဆန့်ကျင်တိုက်ဖျက်ရေးနေ့ ကို ကျင်းပသွားမှာဖြစ်ပြီး ပြည်တွင်းမှာလည်း ကလေးအလုပ်သမားအများဆုံးနေရာတွေမှာ ကျင်းပသွားမှာဖြစ်တယ်လို့ သိရပါတယ်။

ကမ္ဘာ့ကလေးလုပ်သမားဆန့်ကျင်တိုက်ဖျက်ရေးနေ့အကြို သတင်းစာရှင်းလင်းပွဲကိုတော့ လူမှုဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ တာဝန်ရှိသူများ၊ အလုပ်ရုံနှင့် အလုပ်သမားဥပဒေစစ်ဆေးရေးဦးစီးဌာနမှ တာဝန်ရှိသူများ တက်ရောက်ခဲ့ကြပါတယ်။

 

Related News