မြန်မာနိုင်ငံရဲ့ ကြွယ်ဝလှတဲ့ သဘာဝသယံဇာတတွေကို ရေရှည်တည်တံ့အောင် စီမံဆောင်ရွက်တဲ့နေရာမှာ ဆန်းစစ်တွက်ချက်မှု တွေကို ပိုမိုကောင်းမွန်စေဖို့အတွက် အရေးတကြီးလိုအပ်နေတယ်လို့ ဇွန်လ(၁၁)ရက်က နေပြည်တော်ရှိ Hilton Hotel မှာပြုလုပ်ခဲ့တဲ့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီး ဌာနနဲ့ ကမ္ဘာ့ဘဏ်တို့ ပူးပေါင်းကျင်းပတဲ့ မြန်မာနိုင်ငံပတ်ဝန်းကျင်ဆိုင်ရာ ဆန်းစစ်လေ့လာချက်စတင်မိတ်ဆက်ခြင်း အခမ်း အနားမှ သိရပါတယ်။ မြန်မာနိုင်ငံရဲ့ ကြွယ်ဝလှတဲ့ သား၊ ငါး၊ သစ်တော အစရှိတဲ့ သဘာဝသယံဇာတတွေကို ရေရှည်တည်တံ့အောင် စီမံဆောင်ရွက် တဲ့နေရာမှာ အဖွဲ့အစည်းဆိုင်ရာပြုပြင်ပြောင်းလဲမှုတွေ၊ သယံဇာတတွေ တရားမ၀င် ထုတ်တာတွေကို တားဆီးကာကွယ်ဖို့ အတွက် ပိုမိုထိရောက်တဲ့ ဥပဒေစိုးမိုးမှုတွေ၊ သက်ဆိုင်ရာစပ်ဆက်သူအားလုံးရဲ့ အမူအကျင့်ဆိုင်ရာ ပြောင်းလဲမှုတွေ၊ အဖွဲ့အစည်းဆိုင်ရာ စွမ်းဆောင်ရည်တည်ဆောက်မှုတွေ၊ ဘဏ္ဍာရန်ပုံငွေတိုးမြှင့်ချထားမှုတွေနဲ့ အချက်အလက်တွေကို ကောက်ယူပြီး ဆန်းစစ်တွက်ချက်မှုတွေကို ပိုမိုကောင်းမွန်စေဖို့အတွက် အရေးတကြီး လိုအပ်နေတယ်လို့ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးအုန်းဝင်းက ပြောပါတယ်။

အဆိုပါအခမ်းအနားမှာ အစီရင်ခံစာမှာပါဝင်တဲ့ကဏ္ဍ (၄)ခုဖြစ်တဲ့ငါးလုပ်ငန်းကဏ္ဍ၊ သစ်တောကဏ္ဍ၊ ပတ်ဝန်းကျင် ထိခိုက်မှုဆန်းစစ်ခြင်းစနစ်၊ စွန့်ပစ်အမှိုက်စီမံခန့်ခွဲမှုနဲ့ လေထုအရည်အသွေးဆိုင်ရာ ကဏ္ဍ(၄)ခုကို ဆွေးနွေးခဲ့တယ်လို့ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပတ်ဝန်းကျင်ထိန်းသိမ်းရေးဦးစီးဌာနမှ ညွှန်ကြားရေး မှူးချုပ် ဦးလှမောင်သိန်းက ပြောပါတယ်။


အဆိုပါအခမ်းအနားကို  စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီး ဒေါက်တာအောင်သူ၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ ပြည်ထောင်စုဝန်ကြီး ဦးအုန်းဝင်း၊ ဒုတိယ၀န်ကြီးများ၊ ပြည်သူ့လွှတ်တော်နှင့် အမျိုးသားလွှတ်တော်မှ ကိုယ်စားလှယ်များ၊ ကမ္ဘာ့ဘဏ်နှင့် နိုင်ငံတကာဖွံ့ဖြိုးမိတ်ဖက် အဖွဲ့အစည်းမှ ကိုယ်စားလှယ်တွေနဲ့ တာဝန်ရှိသူတွေတက်ရောက်ခဲ့ကြတယ်လို့ သိရပါတယ်။

 

Related News