ပြည်တွင်းမှာ 3D ပန်းချီရေးဆွဲမှုတွေရှိပေမယ့် (၂၀၁၄) ခုနှစ်နောက်ပိုင်းမှသာ 3D ပန်းချီရေးဆွဲမှုတွေက ပိုမိုတွင်ကျယ် လာတာ ဖြစ်ပါတယ်။အခုမြင်တွေ့ရတာကတော့ 3D ပန်းချီရေးဆွဲရာမှာ အခြေခံလိုအပ်တဲ့ ခဲတံနဲ့နံရံပေါ်မှာ ပန်းချီအကြမ်းရေးဆွဲနေတာပဲ ဖြစ်ပါတယ်။ 3D ပန်းချီက ရိုးရိုးပန်းချီကိုသာအခြေခံပြီး ရေးဆွဲထားတာဖြစ်ပေမယ့် ရိုးရိုးပန်းချီရေးဆွဲမှုနဲ့တော့ ကွဲပြားမှု ရှိနေပါတယ်။ 3D ပန်းချီရေးဆွဲမှုက  နေရာမျိုးစုံမှာရေးဆွဲလို့ရပေမယ့် စာအုပ်တွေ၊ နံရံတွေပေါ်၊ နံရံထောင့်တွေမှာ ရေးဆွဲဖြစ် တာ အများဆုံးဖြစ်တယ်လို့သိရပါတယ်။ဒါပေမယ့် နောက်ပိုင်းမှာတော့ 3D ပန်းချီရေးဆွဲရာမှာ နံရံတွေနဲ့ ကြမ်းပြင်တွေပေါ်မှာ ပိုမ်ိုရေးဆွဲလာတယ်လို့သိရပါတယ်။ စာအုပ် ၊ စာရွက်တွေအပေါ်မှာရေးဆွဲရတာက မိမိလိုသလောက်အချိန်အဆမှန်းပြီးရေးဆွဲလို့ ရပေမယ့် နံရံတွေအပေါ်မှာရေးဆွဲမှုကတော့ မိမိရေးဆွဲထားတဲ့ပန်းချီကို 3D ပုံရိပ်ပေါ်/မပေါ်ကို ကင်မရာနဲ့ချိန်ပြီးတော့မှ အချိန်အဆတိုင်းထွာပြီး ရေးဆွဲရတာဖြစ်တယ်လို့ 3D ပန်းချီ ရေးဆွဲတဲ့ ကိုရဲရင့်ဟိန်းက အခုလိုပြောပါတယ်။

3D ပန်းချီရေးဆွဲရတာကိုစိတ်ဝင်စားတဲ့ ကိုရဲရင့်ဟိန်းကတော့ (၂၀၁၅) ခုနှစ်ကတည်းက စတင်ရေးဆွဲခဲ့တာဖြစ်ပြီး အရင်က တော့ စာရွက်တွေအပေါ်မှာရေးဆွဲခဲ့တာဖြစ်ပါတယ်။သူ ပထမဆုံးရေးဆွဲခဲ့တဲ့ 3D  ပန်းချီကတော့ ဗိုလ်ချုပ်အောင်ဆန်း ပုံတူ 3D ပန်းချီကို စာရွက်အပေါ်မှာစတင်ရေးဆွဲခဲ့တာဖြစ်ပြီး နောက်ပိုင်းမှာတော့ နံရံတွေအပေါ် စတင်ရေးဆွဲလာခဲ့တာဖြစ်ပါတယ်။3D ပန်းချီရေးဆွဲရာမှာ ပုံကြမ်းကိုအရင် ရေးဆွဲထားပြီး 3 D ပန်းချီကားတစ်ကားရေးဆွဲဖို့ကြာချိန်ကတော့ တစ်ရက်လောက်ကြာမြင့် တယ်လို့ သိရပါတယ်။3D ပန်းချီကို မှုတ်ဆေး၊ အခရိုင်းလစ် တွေနဲ့ရေးဆွဲလို့ရပေမယ့် မှုတ်ဆေးနဲ့ရေးဆွဲရတာကတော့ ပိုပြီးအခက်အခဲရှိတယ်လို့ သိရပါတယ်။

လက်ရှိမှာတော့ 3D ပန်းချီတွေကို bar ၊ ဟိုတယ်တွေနဲ့ စားသောက်ဆိုင်တွေနဲ့ ကော်ဖီဆိုင်တွေမှာ ရေးဆွဲမှုတွေရှိလာခဲ့ပြီး နောက်ဖေးလမ်းကြားတွေမှာလည်း 3D ပန်းချီရေးဆွဲမှုတွေရှိလာခဲ့တယ်လို့ သိရပါတယ်။

 

Related News