(၂၀၁၉)ခုနှစ် တက္ကသိုလ်ဝင်စာမေးပွဲအောင်မြင်တဲ့ ကျောင်းသား/ကျောင်းသူတွေအနေနဲ့ တက္ကသိုလ်(၁၄)ခုကိုတော့ တိုက်ရိုက်လျှောက်ထားရမှာဖြစ်တယ်လို့ အဆင့်မြင့်ပညာဦးစီးဌာနမှ သတင်းထုတ်ပြန်ချက်အရ သိရပါတယ်။ပြီးခဲ့သည့် ၂၀၁၈ ခုနှစ်ကစတင်ကာ ဝင်ခွင့်တိုက်ရိုက်ခေါ်ယူတဲ့ စနစ်ကိုပြောင်းလဲခဲ့တာဖြစ်ပြီး (၂၀၁၈)ခုနှစ်မှာတော့ တက္ကသိုလ်(၁၁)ခုဖြစ်တဲ့ ရန်ကုန်တက္ကသိုလ်၊ရန်ကုန်နည်းပညာတက္ကသိုလ်၊ သတင်းအချက်အလက်နှင့် နည်းပညာတက္ကသိုလ်၊ ရန်ကုန်နိုင်ငံခြားဘာသာတက္ကသိုလ်၊ ရန်ကုန် စီးပွားရေးတက္ကသိုလ်၊ ရန်ကုန်ပညာရေးတက္ကသိုလ်၊ မန္တလေးတက္ကသိုလ်၊ မန္တလေးနည်းပညာတက္ကသိုလ်၊ မန္တလေးကွန်ပျူတာတက္ကသိုလ်၊ မန္တလေးနိုင်ငံခြားဘာသာတက္ကသိုလ်၊ နည်းပညာတက္ကသိုလ် (မန္တလေး)တို့ကိုတိုက် လျှောက်ဝင်ခွင့်လျှောက်ထားရတာ ဖြစ်တယ်လို့သိရပါတယ်။အခု (၂၀၁၉)ခုနှစ်မှာတော့ တက္ကသိုလ်ဝင်ခွင့်တိုက်ရိုက်လျှောက်ထားရမယ့် တက္ကသိုလ် (၃)ခုတိုးမြှင့်ခဲ့ပြီး အဆိုပါတက္ကသိုလ် တွေ ကတော့ မြန်မာနိုင်ငံလေကြောင်းနှင့် အာကာသပညာတက္ကသိုလ်၊ နည်းပညာတက္ကသိုလ် (ရတနာပုံဆိုက်ဘာစီးတီး)၊ ရန်ကုန်ကွန်ပျူတာတက္ကသိုလ်တို့ဘဲ ဖြစ်ပါတယ်။

ဒါ့အပြင် တက္ကသိုလ်ဝင်ခွင့်ရွေးချယ်ရေးအဖွဲ့မှ  ရွေးချယ်ပေးတဲ့ တက္ကသိုလ်တွေကို ပထမဦးစားပေးလျှောက်ထားလိုပါက မြစ်ကြီးနားတက္ကသိုလ်၊ လွိုင်ကော်တက္ကသိုလ်၊ ဘားအံတက္ကသိုလ်၊ ဟားခါးကောလိပ်၊ မုံရွာတက္ကသိုလ်၊ စစ်ကိုင်းတက္ကသိုလ်၊ ထားဝယ်တက္ကသိုလ်၊ တောင်ငူတက္ကသိုလ်၊ ပြည်တက္ကသိုလ်၊ ပဲခူးတက္ကသိုလ်၊ မကွေးတက္ကသိုလ်၊ ပခုက္ကူတက္ကသိုလ်၊ မန္တလေးအဝေးသင်တက္ကသိုလ်၊ မိတ္ထီလာတက္ကသိုလ်၊ မော်လမြိုင်တက္ကသိုလ်၊စစ်တွေတက္ကသိုလ်၊တောင်ကုတ်ဒီဂရီကောလိပ်၊ ရန်ကုန်အဝေးသင်တက္ကသိုလ်၊ တောင်ကြီးတက္ကသိုလ်၊ လားရှိုးတက္ကသိုလ်၊ ကျိုင်းတုံတက္ကသိုလ်၊ ပုသိမ်တက္ကသိုလ်နဲ့ ဟင်္သာတ တက္ကသိုလ်တို့မှာ လျှောက်လွှာဖောင်တွေကို တင်သွင်းရမှာဖြစ်တယ်လို့ သိရပါတယ်။တက္ကသိုလ်ဝင်ခွင့်လျှောက်လွှာအိပ်တွေကို ဇွန်လ(၂၄)ရက်မှ ဇူလိုင်လ(၂၃)ရက်ထိ ပုံမှန် ရုံးဖွင့်ရက်တွေအပြင် စနေ၊ တနင်္ဂနွေရုံးပိတ်ရက်တွေများမှာပါ လျှောက်ထားနိုင်တယ်လို့သိရပါတယ်။သတ်မှတ်ရက်ထက်ကျော်လွန်ပါက ရန်ကုန်တိုင်းဒေသကြီး ကမာရွတ်မြို့နယ် သထုံလမ်းမှာရှိတဲ့ အဆင့်မြင့်ပညာဦးစီးဌာန (ရန်ကုန်ရုံးခွဲ)ကို တိုက်ရိုက်လျှောက်ထားရမှာဖြစ်တယ်လို့ သိရပါတယ်။


 

Related News