(၂၀၁၉-၂၀၂၀)ဘဏ္ဍာရေးနှစ်၊ ရန်ကုန်တိုင်းဒေသကြီးရသုံး ခန့်မှန်းခြေငွေစာရင်းအရ အားကစားနှင့်ကာယပညာဦးစီးဌာန လက်အောက်ရှိ အားကစားကွင်းနှင့် ဆိုင်ခန်းများ ငှားရမ်းခရရှိမှုတွေဟာ နည်းပါးနေပြီး လက်ရှိငှားရမ်းထားတဲ့ ဆိုင်ခန်း(၁၃၀)ကျော်က တစ်နှစ်စာကို ကျပ်သိန်း (၄၂၀)ကျော်သာ ရရှိနေတယ်လို့ တိုင်းဒေသကြီးလွှတ်တော် ကိုယ်စားလှယ်တွေက ပြောပါတယ်။ဒါကတော့ တောင်ဥက္ကလာပမြို့နယ် မြသီတာဘောလုံးကွင်းဘေးရှိ ဆိုင်ခန်းတွေပဲ ဖြစ်ပါတယ်။ ဒီဆိုင်ခန်းတွေကို အားကစားနှင့်ကာယပညာဦးစီးဌာနက ဆိုင်ခန်းတစ်ခန်းကို ငွေကျပ်(၂၀၀၀၀)နဲ့ ငှားရမ်းထားတယ်လို့ ရန်ကုန်တိုင်း ဒေသကြီး ရသုံးခန့်မှန်းခြေငွေစာရင်းအရ သိရပါတယ်။ ဒီဆိုင်ခန်းတွေလိုပဲ (၂၀၁၉-၂၀၂၀)ဘဏ္ဍာရေးနှစ်၊ ရန်ကုန်တိုင်းဒေသကြီးရဲ့ ရသုံးခန့်မှန်းခြေငွေစာရင်းလျာထားချက်မှာ ပါဝင်လာတဲ့ မြို့နယ်တွေက အားကစားကွင်းနှင့် ဆိုင်ခန်းများ ငှားရမ်းခရရှိမှုတွေဟာ နည်းပါးနေပြီး ဒီအခြေအနေတွေကို တိုင်းဒေသကြီးလွှတ်တော် ကိုယ်စားလှယ် တချို့က ထောက်ပြဆွေးနွေးအကြံပြုခဲ့ပါတယ်။ ဆိုင်ခန်းငှားရမ်းခနည်းပါးရတာဟာ ဆိုင်ခန်းတစ်ခန်းကို တစ်လလျှင် ငွေကျပ်(၁၀၀၀၀)နဲ့ ငှားထားတဲ့ ဆိုင်ခန်းတွေက(၁၀)ခန်းအထက်ရှိနေတယ်လို့လည်း သိရပါတယ်။ ဒီအခြေအနေတွေ ကြောင့် နိုင်ငံတော်ကရရှိရမယ့် အခွန်အခတွေ နစ်နာနေလို့ ရန်ကုန်တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက တိုင်းဒေသကြီးလွှတ်တော် အရေးပေါ်အစည်းအဝေးမှာ ထည့်သွင်းဆွေးနွေးအကြံပြုထားပါတယ်။

အားကစားနှင့် ကာယပညာဦးစီးဌာန လက်အောက်ရှိ အားကစားကွင်းနှင့် ဆိုင်ခန်းများငှားရမ်းခရရှိမှုတွေက တွံတေးမြို့နယ် မြို့မကွင်းရှိ ဆိုင်ခန်း(၁၄)ခန်းအတွက် တစ်နှစ်စာငှားရမ်းခ ကျပ်(၁၆)သိန်းကျော်၊ တောင်ဥက္ကလာပမြို့နယ် မြသီတာကွင်းရှိ ဆိုင်ခန်း(၄၉)ခန်းအတွက် တစ်နှစ်စာ ငှားရမ်းခ ကျပ်သိန်း(၁၁၀)ကျော်၊ သန်လျင်မြို့နယ်ရှိ ဆိုင်ခန်း(၄၄)ခန်းအတွက် တစ်နှစ်စာငှားရမ်းခ ကျပ်သိန်း(၁၀၀)ကျော်၊ တာမွေမြို့နယ် တောင်မြင်းပြိုင်ကွင်းလမ်းရှိ ဆိုင်ခန်း(၁၀)ခန်းအတွက် တစ်နှစ်စာ ငှားရမ်းခ ကျပ်သိန်း(၃၀)ကျော်၊ ဒလမြို့နယ် ဗိုလ်တေဇကွင်းရှိ ဆိုင်ခန်း(၅)ခန်းအတွက် တစ်နှစ်စာငှားရမ်းခ ကျပ်(၁၀)သိန်းကျော်၊ သာကေတမြို့နယ်ရှိ အားကစားကွင်းဆိုင်ခန်းပေါင်း(၁၂)ခန်းအတွက် တစ်နှစ်စာငှားရမ်းခ ကျပ်သိန်း(၆၀)ကျော်၊ လှိုင်သာယာ အားကစားရုံအတွက် တစ်နှစ်စာငှားရမ်းခ ကျပ်သိန်း(၆၀)ကျော် ရရှိနေတယ်လို့ သိရပါတယ်။ အားကစားနှင့်ကာယပညာဦးစီးဌာန လက်အောက်ရှိ အားကစားကွင်းနှင့် ဆိုင်ခန်း(၁၃၄)ခန်းအတွက်  တစ်နှစ်စာ ကျပ်သိန်း(၄၂၀)ကျော်သာ ရရှိနေတယ်လို့ သိရပါတယ်။ 


 

Related News