အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာနမှ လူမှုဖူလုံရေးအဖွဲ့အလုပ်သမားဆေးရုံကြီး(ရန်ကုန်)မှ မြန်မာ့မီးရထားဝန်ထမ်းတွေကို ဇွန်လ(၂၀)ရက်က မလွှကုန်းမြို့နယ်ရှိ မီးရထားစက်ခေါင်းရုံမှာကွင်းဆင်းဆေးကုသခြင်း ပြုလုပ်ခဲ့ပါတယ်။အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ၊ လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)မှ ခွဲစိတ်အထူးကု၊ အရိုး/အကြောအထူးကု၊ အထွေထွေရောဂါအထူးကု နဲ့ သွား/ခံတွင်းအထူးကု ဆရာဝန်ကြီးတွေ ကကွင်းဆင်းဆေးကုသပေးတာပါ။အခုလိုဆေးကုသပေး ရာမှထပ်မံကုသဖို့လိုအပ်သူတွေကို လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)နဲ့ သက်ဆိုင်ရာဆေးရုံတွေမှာဆက်လက်ကုသပေးမှာဖြစ်တယ်လို့သိရပါတယ်။

မြန်မာ့မီးရထားဝန်ထမ်းတွေကတော့ အခုလိုလူမှုဖူလုံရေးအဖွဲ့ အလုပ်သမားဆေးရုံကြီးမှ အထူးကု တွေကိုယ်တိုင်လာရောက်စမ်းသပ်ပေးတာဟာ အလုပ်ချိန်မလစ်ဟင်းတာကြောင့်ဝန်ထမ်းတွေအတွက်အဆင်ပြေတယ် လို့ပြောပါတယ်။ဒါ့အပြင်လိုအပ်တဲ့ဆေးတွေကိုပါ အခမဲ့ပေးတာကြောင့် ပိုအဆင်ပြေတယ်လို့သိရပါတယ်။အခုလို ကွင်းဆင်းကုသရာမှာ လူမှုဖူလုံရေးအဖွဲ့အလုပ်သမားဆေးရုံကြီး (ရန်ကုန်)မှ ဆေးရုံအုပ်ကြီး၊ ဒုတိယဆေးရုံအုပ်အပါအ၀င်၊ အထူးကုဆရာဝန်ကြီး(၄)ဦး၊ လက်ထောက်ဆရာဝန်(၂)ဦး၊ သူနာပြု(၄)ဦးနဲ့ အထောက်အကူပြု(၃)ဦး ပါဝင်တယ်လို့သိရပါတယ်။

 

 

Related News