(၂၀၁၉)ခုနှစ်တက္ကသိုလ်ဝင်ခွင့်ရွေးချယ်မည့်စနစ်နဲ့တက္ကသိုလ်ဝင်ခွင့်လျှောက်ထားခြင်းဆိုင်ရာရှင်းလင်းပွဲကို ဇွန်လ(၂၀)ရက်ကမန္တလေးမြို့ရတနာပုံတက္ကသိုလ်မှာပြုလုပ်ခဲ့ပါတယ်။ တက္ကသိုလ်စတင်တက်ရောက်မယ့်ကျောင်းသား၊ကျောင်းသူတွေအနေနဲ့တက္ကသိုလ်ဝင်ခွင့်လျှောက်ထားရာမှာအခက်အခဲ၊အချိန်နှောင့်နှေးမှု၊လွဲချော်မှုနဲ့လိုအပ်ချက်တွေရှိနေကြတယ်လို့သိရပါတယ်။ဒါကြောင့်ယခုနှစ်တက္ကသိုလ်ဝင်တန်းအောင်မြင်တဲ့ကျောင်းသား၊ကျောင်းသူတွေအနေနဲ့တက္ကသိုလ်ဝင်ခွင့်လျှောက်ထားရာမှာတက္ကသိုလ်ဝင်ခွင့်ရွေးချယ်မည့်စနစ်နဲ့တက္ကသိုလ်ဝင်ခွင့်လျှောက်ထားခြင်းဆိုင်ရာကိစ္စရပ်တွေကိုပိုမိုသိရှိစေဖို့(၂၀၁၉)ခုနှစ်တက္ကသိုလ်ဝင်ခွင့်ရွေးချယ်မည့်စနစ်နဲ့တက္ကသိုလ်ဝင်ခွင့်လျှောက်ထားခြင်းဆိုင်ရာ ရှင်းလင်းပွဲကိုပြုလုပ်ရတာဖြစ်တယ်လို့သိရပါတယ်။ဒီရှင်းလင်းပွဲမှာရတနာပုံတက္ကသိုလ်မှဘာသာရပ်ဆိုင်ရာဆရာ၊ဆရာမတွေ၊တက္ကသိုလ်ဝန်ထမ်း တွေနဲ့ကျောင်းသားမိဘနဲ့ကျောင်းသားကျောင်းသူတွေတက်ရောက်ဆွေးနွေးခဲ့ကြတယ်လို့သိရပါတယ်။

မန္တလေးတိုင်းဒေသကြီးအတွင်းတက္ကသိုလ်ဝင်ခွင့်လျှောက်လွှာတွေကိုမန္တလေးအဝေးသင်တက္ကသိုလ်နဲ့ မိထ္တီလာတက္ကသိုလ်တွေမှာသာလက်ခံဆောင်ရွက်မှာဖြစ်ပါတယ်။တက္ကသိုလ်ဝင်ခွင့်လျှောက်လွှာအိတ်နဲ့ ပုံစံတွေကိုတော့ဇွန်လ(၂၄)ရက်ကစတင်ပြီးသက်ဆိုင်ရာစာစစ်ဌာနတွေမှာထုတ်ပေးသွားမှာဖြစ်တယ်လို့ သိရပါတယ်။တက္ကသိုလ်ဝင်ခွင့်လျှောက်ထားရာမှာကျောင်းသား၊ကျောင်းသူတွေအနေနဲ့ တက္ကသိုလ်ဝင်ခွင့်လမ်းညွှန်စာအုပ်ကိုသေချာဖတ်ကာမိမိအတွက်ကိုက်ညီမယ့်ဘာသာရပ်နဲ့ ဦးစားပေးတက္ကသိုလ်တွေကိုစနစ်တကျ ဖြည့်သွင်းလျှောက်ထားရမယ်လို့သိရပါတယ်။ (၂၀၁၉) ခုနှစ်တက္ကသိုလ်ဝင်ခွင့်ရွေးချယ်မည့်စနစ်နဲ့တက္ကသိုလ်ဝင်ခွင့်လျှောက်ထားခြင်းဆိုင်ရာရှင်းလင်းပွဲတွေကို မန္တလေးခရိုင်၊ပြင်ဦးလွင်ခရိုင်နဲ့ကျောက်ဆည်ခရိုင်၊မန္တလေးအဝေးသင်တက္ကသိုလ်နဲ့မန္တလေးတက္ကသိုလ်တို့မှာလည်း ပြုလုပ်ခဲ့ပြီးဖြစ်တယ်လို့သိရပါတယ်။

 

 

Related News