ကိုရီးယားနိုင်ငံမှာပြုလုပ်မယ့် 2019 Global IT Challenge ကို မြန်မာနိုင်ငံမှ မသန်စွမ်းသူ(၄)ဦးပါဝင်ယှဉ်ပြိုင်သွားမယ်လို့သိရပါတယ်။ လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊လူမှုဝန်ထမ်းဦးစီးဌာန၊ ရွှေမင်းသားဖောင် ဒေးရှင်း၊ ကိုရီးယားနိုင်ငံ Rehabilitation International အဖွဲ့တို့ပူးပေါင်းပြီး ကိုရီးယားနိုင်ငံ ဘူဆန်မြို့မှာကျင်း ပမယ့် 2019 Global IT Challenge မှာမြန်မာနိုင်ငံရှိမသန်စွမ်းသူတွေပါဝင်နိုင်ဖို့အတွက် ပဏာမလူရွေးချယ်ပွဲကို ဇွန်လ(၁၉)ရက်နဲ့ (၂၀)ရက်က Hotel 99 မှာပြုလုပ်ခဲ့ပါတယ်။ပဏာမရွေးချယ်ရာမှာ ဘာသာရပ်(၄)မျိုးပါဝင်ပြီး ဖြေဆိုရမယ့်ဘာသာရပ်တွေကို ကိုရီးယားနိုင်ငံမှဆရာတွေက သင်ကြားပေးပြီးစာမေးပွဲဖြေဆိုရတာဖြစ်တယ်လို့သိရပါတယ်။ပဏာမရွေးချယ်ပွဲကို တိုင်းဒေသကြီးနဲ့ပြည်နယ်တွေမှ မသန်စွမ်းသူ(၂၆)ဦးပါဝင်ယှဉ်ပြိုင်ကြပြီးမသန်စွမ်း အမျိုးအစား(၄)မျိုးမှ မသန်စွမ်းတစ်မျိုးကို(၁)ယောက်စီရွေးချယ်ခဲ့တယ်လို့သိရပါတယ်။

ပြိုင်ပွဲမှာရွေးချယ်ခံခဲ့ရတဲ့မသန်စွမ်းသူတွေကတော့ ကိုရီးယားနိုင်ငံ ဘူဆန်မြို့မှာ 2019 Global IT Challenge ကို လာမယ့် အောက်တိုဘာလမှာ သွားရောက်ယှဉ်ပြိုင်ရမှာဖြစ်တယ်လို့သိရပါတယ်။ရွေးချယ်ခံခဲ့ရတဲ့ မသန်စွမ်းသူတွေကတော့ ကိုရီးယားနိုင်ငံမှာယှဉ်ပြိုင်ရင် မြန်မာနိုင်ငံအပါအ၀င်နိုင်ငံပေါင်း (၂၀)၀င်ရောက်ယှဉ်ပြိုင်ကြမှာဖြစ်တာကြောင့် နိုင်ငံတကာရဲ့အတွေ့အကြုံတွေများစွာရရှိလာမယ်လို့ပြောပါတယ်။အခုလို ပြည်တွင်းကမသန်စွမ်းသူတွေအတွက်IT ပညာကို နိုင်ငံတကာမှာဝင်ရောက်ယှဉ်ပြိုင်ဖို့ ပြုလုပ်တာ 2019 Global IT Challenge ပြိုင်ပွဲကပထမဆုံးပြိုင်ပွဲဖြစ်ပြီး နောက်နှစ်တွေမှာလည်း မသန်စွမ်းသူတွေအတွက် အခွင့်အလမ်းကောင်း တွေရရှိအောင်ပြိုင်ပွဲတွေဆက်လက်လုပ်ဆောင်သွားဖို့ရှိတယ်လို့သိရပါတယ်။

 

   

Related News