ကိုရီးယားသမ္မတနိုင်ငံရှိ The Academy of Korea Studies သုတေသနအသင်းကြီးရဲ့ ထောက်ပံ့မှုနဲ့ ကိုရီးယားဘာသာစကား စာတမ်းဖတ်ပွဲကို ရန်ကုန်နိုင်ငံခြားဘာသာတက္ကသိုလ်မှာ ဇွန်လ (၂၀)ရက်ကဖတ်ကြားခဲ့ တာဖြစ်ပါတယ်။ဒီလို သုတသနစာတမ်းဖတ်ပွဲပြုလုပ်နိုင်ဖို့ ကိုရီးယားသမ္မတနိုင်ငံရှိ The Academy of Korea Studies က စီစဉ်ပေးတာဖြစ်ပြီး ရန်ကုန်နိုင်ငံခြားဘာသာတက္ကသိုလ်က ဆရာ၊ဆရာမ (၅)ဦးနဲ့ မန္တလေးနိုင်ငံခြား ဘာသာတက္ကသိုလ်က ဆရာ၊ဆရာမ(၇)ဦးတို့က ဖတ်ကြားခဲ့တာလို့သိရပါတယ်။ဒီလိုပြုလုပ်တာက ကိုရီးယားဘာသာစကားနဲ့ မြန်မာဘာသာစကား နှိုင်းယှဉ်သင်ပြရာမှာ အထောက်အပံ့ဖြစ်စေဖို့ နဲ့ သင်ကြားမှု နည်းလမ်းတွေကို အထောက်အပံ့ဖြစ်စေဖို့ အတွက် ပြုလုပ်ခဲ့တာလို့သိရပါတယ်။(နိုင်ငံခြားသားအသံ -  ဘာသာစကားကတစ်ဆင့် ယဉ်ကျေးမှုကိုချဉ်းကပ်မှုကိုပြောသွားတာပါ။ကိုရီးယားစကားကနေ ယဉ်ကျေးမှုကို ချဉ်းကပ်တဲ့အကြောင်းတွေကို အဓိကသင်သွားတာပါ။နောက်ပိုင်းမှာတော့ နှစ်နိုင်ငံဘာသာစကားနှိုင်းယှဉ် ရင်အထောက်အကူအများကြီးဖြစ်မယ်လို့ယုံကြည်ပါတယ်။)

စာတမ်းဖတ်ပွဲနဲ့အတူ Kyung Hee University ရှိ ဆရာတစ်ဦးက ရန်ကုန်နိုင်ငံခြားဘာသာတက္ကသိုလ်ရှိ တတိယနှစ်၊ စတုတ္ထနှစ် နဲ့ ဂုဏ်ထူးတန်းကျောင်းသား၊ကျောင်းသူတွေကို ဇွန်လ (၂၀)ရက်မှ (၂၁)ရက်အထိ (၂)ရက်ကြာသင်တန်းပို့ချပေးနေတာဖြစ်ပါတယ်။ ဘာသာစကားကတစ်ဆင့် ကိုရီးယားနိုင်ငံယဉ်ကျေးမှုကိုသိရှိအောင်၊ ဘာသာစကားသင်ကြားရာမှာ အထောက်အပံ့ဖြစ်အောင် သင်ကြားပေးနေတာ ဖြစ်တယ်လို့ သိရပါတယ်။ ဒီသင်တန်းမှာ ကျောင်းသား၊ကျောင်းသူအယောက်(၂၀၀)ခန့်တက် ရောက်သင်ကြားနေတာဖြစ်ပါတယ်။ကိုရီးယားဘာသာစကားစာတမ်းဖတ်ပွဲကို ရန်ကုန်နိုင်ငံခြားဘာသာတက္ကသိုလ်မှာ ဒုတိယအကြိမ်ပြုလုပ်တာဖြစ်ပြီး  မြန်မာနိုင်ငံမှာတော့ တတိယအကြိမ်မြောက်အဖြစ်ကျင်းပတာဖြစ်တယ်လို့ သိရပါတယ်။

 


 

Related News