ငါးလုပ်ငန်းဦးစီးဌာနနဲ့ ဒိန်းမတ်နိုင်ငံတို့ MOU လက်မှတ်ရေးထိုးပြီး ပူးတွဲဆောင်ရွက်နေတဲ့ ကမ်းရိုးတန်းငါးလုပ်ငန်း ရေရှည်တည်တံ့စေရေး စီမံကိန်းကို ရခိုင်ပြည်နယ်နဲ့ တနင်္သာရီတိုင်းဒေသကြီးတို့မှာ လက်တွေ့အကောင်အထည် ဖော်ဆောင်ရွက်နေပြီဖြစ်တယ်လို့ သိရပါတယ်။ ဒီစီမံကိန်းက ကမ်းရိုးတန်းငါးလုပ်ငန်း ရေရှည်တည်တံ့ဖို့ ထိန်းသိမ်းရေးလုပ်ငန်းတွေ ဆောင်ရွက်ရာမှာ ဒေသက ပြည်သူတွေကိုယ်တိုင် ပူးပေါင်းဝင်ရောက် ထိန်းသိမ်းဖို့ ရည်ရွယ်ရေးဆွဲထားတာပါ။ ငါးလုပ်ငန်းဦးစီးဌာနက ဒိန်းမတ်နိုင်ငံနဲ့ ၂၀၁၆-၂၀၂၀ ငါးနှစ်တာစီမံကိန်း ရေးဆွဲပြီး ကမ်းရိုးတန်းဒေသဖြစ်တဲ့ ရခိုင်နဲ့ တနင်္သာရီတို့မှာ သယံဇာတထိန်းသိမ်းရေးလုပ်ငန်းတွေ ကွင်းဆင်းဆောင်ရွက်လျက်ရှိပါတယ်။ ကမ်းရိုးတန်းဒေသမှာ မိရိုးဖလာကမ်းနီးငါးဖမ်းလုပ်ငန်းတွေ လုပ်ကိုင်နေတဲ့ ဒေသခံတွေကို စည်းရုံးပြီး ဒီသယံဇာတထိန်းသိမ်းရေးမှာ ပါဝင်လာအောင် စည်းရုံးလုပ်ဆောင်ရတာပဲဖြစ်ပါတယ်။ ဒေသခံတွေက ငါးဖမ်းလုပ်ငန်းကိုပဲ မှီခိုနေရတာမျိုးမဖြစ်အောင် စီစဉ်ပေးနေတယ်လို့ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနမှ အမြဲတမ်းအတွင်းဝန် ဒေါက်တာခင်ဇော်က ပြောပါတယ်။ 

အစိုးရဌာနနဲ့ ပြည်သူလက်တွဲ ပူးပေါင်းဆောင်ရွက်တဲ့ ဒီစီမံကိန်းကို  ရခိုင်နဲ့ တနင်္သာရီက ကျေးရွာရှစ်ခုမှာ ကွင်းဆင်းအကောင်အထည်ဖော်ခဲ့တာ ဖြစ်ပါတယ်။ ကျေးရွာတွေမှာ လူထုအခြေပြု ကော်မတီတွေ ဖွဲ့စည်းပြီး ကမ်းနီးငါးဖမ်းလုပ်ငန်းကို စီမံခန့်ခွဲတာ၊ ငါးဖမ်းဧရိယာတွေ သတ်မှတ်တာ၊ ငါးပြုပြင်ထုတ်လုပ်မွမ်းမံရာမှာ သင်တန်းပေးတာတွေ ဆောင်ရွက်ခဲ့ပါတယ်။ ဒီလို ကမ်းရိုးတန်းဒေသ သယံဇာတထိန်းသိမ်းရေးလုပ်ငန်းတွေ လုပ်ဆောင်ခဲ့ဖူးတဲ့ ဧရာဝတီတိုင်းမှ ပုဇွန်ဖမ်းတောင်သူ တစ်ဦးကလည်း သူ့ရဲ့အတွေ့အကြုံတွေကို ပြောပြပါတယ်။ ယခု ၂၀၁၉ ခုနှစ်အတွင်းမှာ ကမ်းရိုးတန်းငါးလုပ်ငန်း ရေရှည်တည်တံ့စေရေး စီမံကိန်းလက်ကျန်လုပ်ငန်းတွေဖြစ်တဲ့ ကမ်းနီးပင်လယ်ပြင် ငါးလုပ်ငန်းဆိုင်ရာ ဒေတာများကောက်ယူရေးလုပ်ငန်းအတွက် အွန်လိုင်းစနစ်အသုံးပြုနိုင်ရေးတွေ၊ ရေယာဉ်စောင့်ကြည့်ထိန်းချုပ်နိုင်ရေးတွေ ဆောင်ရွက်သွားမယ်လို့ သိရပါတယ်။ 

 


 

Related News