အချို့မော်တော်ယာဉ်တွေမှာ ကုန်းလမ်းပို့ဆောင်ရေးညွှန်ကြားမှုဦးစီးဌာနက တရားဝင်ထုတ်ပေးတဲ့ ဖောင်းကြွကားနံပါတ်တွေကို သုံးစွဲခြင်းမပြုဘဲ တရားမဝင်စာလုံးပုံစံအမျိုးမျိုးကို ပလစ်စတစ်အပါအဝင် အခြားအမျိုးအစားအပြားများအပေါ်မှာ တပ်ဆင်အသုံးပြု ထားတာတွေကို ရန်ကုန်တိုင်းဒေသကြီးအတွင်းမှာ အရေးယူဆောင်ရွက်နေတယ်လို့ ရန်ကုန်တိုင်းဒေသကြီး အစိုးရအဖွဲ့က ပြောကြားခဲ့ပါတယ်။ မော်တော်ယာဉ်ဥပဒေပုဒ်မ ၅၃ အရ (က)မော်တော်ယာဉ်နံပါတ်ပြားကိုမထင်ရှားအောင်ပြုလုပ်ခြင်း၊ (ခ)မော်တော်ယာဉ် နံပါတ်ပြားကို ထင်ယောင်ထင်မှားဖြစ်ရန် ပြုလုပ်ခြင်း၊ (ဂ)မမှန်မကန်သော မော်တော်ယာဉ်နံပါတ်ပြားကို မော်တော်ယာဉ်တွင် တပ်ဆင်အသုံးပြုခြင်း စတဲ့ ပြဋ္ဌာန်းချက်တွေကိုမည်သူမျှ မပြုလုပ်ရဟု ပြဋ္ဌာန်းထားတယ်လို့ သိရပါတယ်။ ကုန်းလမ်းပို့ဆောင်ရေး ညွှန်ကြားမှုဦးစီးဌာနက တရားဝင်ထုတ်ပေးထားတဲ့ ဖောင်းကြွနံပါတ်ပြားတွေကို သုံးစွဲခြင်းမပြုဘဲ စာလုံးပုံစံအမျိုးမျိုးကို ပလတ်စတစ်အပါအဝင် အခြားအမျိုးအစားအပြားများအပေါ်မှာတပ်ဆင်အသုံးပြုထားခြင်းမှာ တရားမဝင်ကြောင်းကို ဇူလိုင်လ(၈)ရက်က ပြုလုပ်တဲ့ တိုင်းဒေသကြီးလွှတ်တော် နဝမပုံမှန်အစည်းအဝေးမှာ ရန်ကုန်တိုင်း ဒေသကြီးအစိုးရအဖွဲ့ လျှပ်စစ်၊ စက်မှုလက်မှုနှင့် လမ်းပန်း ဆက်သွယ်ရေးဝန်ကြီး ဒေါ်နီလာကျော်က ရှင်းလင်းပြောကြားခဲ့ပါတယ်။ ဒါ့ကြောင့် လက်ရှိမှာ တရားမဝင်ကားနံပါတ်ပြား တပ်ဆင်ထား မှုတွေကို မော်တော်ယာဉ် ဥပဒေအရ အမှတ်(၂)ယာဉ်ထိန်း တပ်ဖွဲ့ခွဲ(ရန်ကုန်)က အရေးယူနေပြီး ပြီးခဲ့တဲ့ မေလ(၁၄)ရက်ကနေ ဇွန်လ(၁၆)ရက်အထိ တစ်လကျော်ကာလအတွင်းမှာ မော်တော်ယာဉ် (၁၂၇)စီးနဲ့ မော်တော်ဆိုင်ကယ်(၁၈)စီး အရေးယူဆောင်ရွက် ထားတယ်လို့ ဝန်ကြီးက ပြောကြားခဲ့ပါတယ်။

ကုန်းလမ်းပို့ဆောင်ရေးညွှန်ကြားမှုဦးစီးဌာနက တရားဝင်ထုတ်ပေးထားတဲ့ ဖောင်းကြွနံပါတ်ပြားတွေကိုသုံးစွဲခြင်းမပြုဘဲ စာလုံးပုံစံအမျိုးမျိုးကို ပလတ်စတစ်အပါအဝင် အခြားအမျိုးအစားအပြားများအပေါ်မှာ တပ်ဆင်အသုံးပြုထားခြင်းဟာ တရားဝင်မဝင်ကိုတိုင်းဒေသကြီးလွှတ်တော်ကိုယ်စားလှယ် ဦးရန်ရှင်းက မေးမြန်းခဲ့တာပါ။ ပြစ်မှုပြစ်ဒဏ်တွေအနေနဲ့ မော်တော်ယာဉ်ဥပဒေပုဒ်မ(၅၃)ပါ တားမြစ်ချက်ကို ဖောက်ဖျက်ကျူးလွန်ကြောင်း ပြစ်မှုထင်ရှား စီရင်ခြင်းခံရလျှင် ထိုသူကိုသုံးလထက်မပိုသောထောင်ဒဏ်ဖြစ်စေ၊ ကျပ်တစ်သိန်းထက် မပိုသောငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမှာဖြစ်တယ်လို့ သိရပါတယ်။ 


 

Related News