နိုင်ငံတကာဈေးကွက်အနေနဲ့ ပဲပုပ်ဆီထုတ်လုပ်မှုကို ပိုမိုတောင်းဆိုလာတဲ့အတွက် ပြည်တွင်းမှာ ပဲပုပ်စိုက်ပျိုးလာတဲ့ ပုဂ္ဂလိက အဖွဲ့အစည်းတွေ ပေါ်ပေါက်လာတယ်လို့ ဇူလိုင်လ(၉)ရက်က နေပြည်တော်ရှိ သင်္ဂဟဟိုတယ်မှာ ပြုလုပ်တဲ့ ပဲပုပ်ကုန်စည် တန်ဖိုးမြှင့်ဈေးကွက် ချိတ်ဆက်စီမံကိန်း၏ စီမံကိန်းလွန်ကာလ လုပ်ငန်းစဉ်များ ညှိနှိုင်းဆွေးနွေးပွဲမှ သိရပါတယ်။ ပဲပုပ်ဆီထုတ်လုပ်မှုကို နိုင်ငံတကာဈေးကွက်က ပိုမိုတောင်းဆိုလာတဲ့အတွက် ပုဂ္ဂလိကအဖွဲ့အစည်းတွေနဲ့ တောင်သူများအကြား ပဲပုပ်ဆီထုတ်လုပ်မှုကို ပိုမိုလုပ်ဆောင်လာတယ်လို့ သိရပါတယ်။ ပဲပုပ်စိုက်ပျိုးမှုများလာတာနဲ့အမျှ ပဲပုပ်မျိုးစေ့ရှားပါးမှု ပြဿနာရှိ လာနိုင်တယ်လို့ သိရပါတယ်။ အဲ့ဒါကြောင့် ပဲပုပ်မျိုးစေ့ကို ပွားများထုတ်လုပ်တဲ့ လုပ်ငန်းတွေဆောင်ရွက်ဖို့အတွက် စိုက်ပျိုးရေး ဦးစီးဌာန အနေနဲ့ မျိုးစေ့ထုတ်တောင်သူများအသင်းကို ရှမ်းပြည်နယ်၊ ကချင်ပြည်နယ်၊ ကရင်ပြည်နယ်နဲ့ စစ်ကိုင်းတိုင်းဒေသကြီးအစရှိတဲ့ ဒေသတွေမှာ  ဖွဲ့စည်းပြီး ဆောင်ရွက်ပေးခဲ့တယ်လို့ စိုက်ပျိုးရေးဦးစီးဌာနမှ ညွှန်ကြားရေးမှူးချုပ် ဒေါက်တာရဲတင့်ထွန်းက ပြောပါတယ်။

ဒါ့အပြင် စိုက်ပျိုးရေးဦးစီးဌာနအနေနဲ့ လိုအပ်တဲ့ မျိုးစေ့တွေရရှိဖို့ရာအတွက် စိုက်ပျိုးရေးသုတေသနဦးစီးဌာနနဲ့ ချိတ်ဆက်ပြီး တောင်သူတွေနဲ့ မျိုးစေ့ထုတ်လုပ်ငန်းတွေမှာ လိုက်ပါဆောင်ရွက်ရမယ့် လုပ်ငန်းတွေကို ၀ိုင်းဝန်းကူညီဆောင်ရွက်ပေးတယ်လို့ သိရပါတယ်။ အဲ့ဒီလို ဆောင်ရွက်ပေးခြင်းဖြင့် မျိုးစေ့ထုတ်တဲ့ ဧရိယာတွေ တစ်နှစ်ထက်တစ်နှစ် တိုးချဲ့ပြီး ဆောင်ရွက်လာနိုင် တယ်လို့ ပြောပါတယ်။ပြည်တွင်းမှာ ပဲပုပ်စေ့စိုက်ပျိုးထုတ်လုပ်မှုကို ရှမ်းပြည်နယ်မှာ အဓိကထားဆောင်ရွက်နေတာဖြစ်ပြီး လက်ရှိအချိန်မှာတော့ ရှမ်းပြည်နယ် အပါအ၀င်ဒေသအချို့မှာ အရှိန်အဟုန်မြှင့်စိုက်ပျိုးလာတယ်လို့ သိရပါတယ်။ 


 

Related News