လေထုညစ်ညမ်းနေမှုကို ဖြေရှင်းနိုင်ဖို့အတွက် ဇူလိုင်လ(၁၀)ရက် က ရန်ကုန်မြို့ Novotel Hotel မှာ ဆွေးနွေးပွဲ ပြုလုပ်ခဲ့တာ ဖြစ်ပါတယ်။ လေထုညစ်ညမ်းမှုအဆင့်နည်းသည်ဖြစ်စေ၊များသည်ဖြစ်စေ အချိန်ကြာမြင့်စွာထိတွေ့ခံရမှုကြောင့် လူတွေမှာ ပန်းနာရင်ကျပ်ခြင်းကို ပိုမိုဆိုးရွားစေခြင်း၊ နှလုံးရောဂါ၊ လေဖြတ်ခြင်း၊ အဆုတ်ကင်ဆာနဲ့ အရွယ်မတိုင်မီ သေဆုံးခြင်းတို့ကို ပိုမိုဖြစ်ပေါ်စေနိုင်သလို သဘာဝပတ်ဝန်းကျင် ထိခိုက်မှုတွေလည်းရှိတာကြောင့် လက်ရှိမှာ ကာကွယ်လျှော့ချနိုင်တဲ့ နည်းလမ်းတွေကို ရှာဖွေဆောင်ရွက် နေကြတာ ဖြစ်ပါတယ်။ ရန်ကုန်မြို့တော်စည်ပင်သာယာရေးကော်မတီကလည်း လေထုညစ်ညမ်းမှုတွေအတွက် အမှုန်နဲ့ ဓာတ်ငွေ့တွေကို (၂၀၁၆)ခုနှစ်ကစပြီး (၅)နှစ်တာစီမံချက်နဲ့ တိုင်းတာနေတယ်လို့ သိရပါတယ်။အထက်ဖော်ပြပါ လေထုညစ်ညမ်းမှုတိုင်းတာခြင်းမှာတော့ ရန်ကုန်မြို့ကို အပိုင်း(၄)ပိုင်း ပိုင်းခြားကာ တိုင်းတာဆောင်ရွက် နေတာပါ။ တိုင်းတာခြင်းစတင်တဲ့ (၂၀၁၆)ခုနှစ်ကနေ(၂၀၁၉)ခုနှစ်အထိ အချက်အလက်တွေအရ ရန်ကုန်မြို့ရဲ့ လေထုညစ်ညမ်း ခြင်းက နွေရာသီမှာ ကာဗွန်မိုအောက်ဆိုဒ်၊ မီသိန်းဓာတ်ငွေ့နဲ့အမှုန်တွေထွက်ရှိမှုများပြီး မိုးရာသီမှာတော့ တိုင်းတာမှုစံချိန်စံနှုန်းနဲ့ အညီ ရှိတယ်လို့ သိရပါတယ်။ရန်ကုန်မြို့အတွက် လေထုတိုင်းတာခြင်း(၅)နှစ်တာစီမံချက်ပြီးတဲ့ (၂၀၂၀)ပြည့်နှစ်နောက်ပိုင်းမှာတော့ (၅)နှစ်တာတိုင်းတာထားတဲ့ အချက်အလက်တွေကို စိစစ်အကဲဖြတ်ပြီး ရှေ့ပြေးစီမံချက်များချမှတ်ကာ အမှုန်နဲ့အန္တရာယ်ရှိ ဓာတ်ငွေ့ထွက်ရှိမှုလျှော့ရေးတွေကို ဆက်လက်ဆောင်ရွက်သွားမယ်လို့ ရန်ကုန်မြို့တော်စည်ပင်သာယာရေးကော်မတီမှ သိရပါတယ်။

 

 

Related News