လူကုန်ကူးသူတွေအနေနဲ့ အရင်က ငယ်ရွယ်တဲ့အမျိုးသမီးတွေကိုရွေးချယ်ကြပေမယ့် အခုအခါမှာတော့ ကလေးရဖူးတဲ့သူတွေကို လူကုန်ကူးခြင်းမျိုးတွေ လုပ်ဆောင်လာနေတယ်လို့ ပြည်လည်ထူထောင်ရေးဦးစီးဌာန ညွှန်ကြားရေးမှူးချုပ် ဦးဝင်းနိုင်ထွန်းက နေပြည်တော်ရှိ Grand Amara Hotelမှာ ဇူလိုင်(၁၀)ရက်ကပြုလုပ်ခဲ့တဲ့ ၀န်ဆောင်မှုပေးသူများအတွက် လူကုန်ကူးမှုနှင့် သက်ဆိုင်သောဖြစ်ရပ်များ စီမံဆောင်ရွက်ခြင်းနှင့် တရားစွဲဆိုခြင်းဆိုင်ရာ စွမ်းရည်မြှင့်သင်တန်းဖွင့်ပွဲအခမ်းအနားမှာ ပြောကြားခဲ့တာပါ။

မြန်မာနိုင်ငံမှာ နှစ်ချုပ်စာရင်းတွေအရဖြစ်ပွားခဲ့တဲ့လူကုန်ကူးမှု စာရင်းတွေကိုကြည့်ပါက တရုတ်နိုင်ငံကို အဓမ္မထိမ်းမြားစေတဲ့အမှုတွေက အရမ်းများပြားနေပြီး နှစ်စဉ်လိုလို မြင့်တက်လာနေတာလည်း ဖြစ်ပါတယ်။ တရုတ်နိုင်ငံကို အဓမ္မထိမ်းမြားဖို့အတွက် လူကုန်ကူးရာမှာတော့ အရင်က ငယ်ရွယ်တဲ့ အမျိုးသမီးတွေကို ရွေးချယ်ကြပေမယ့် အခုနောက်ပိုင်းမှာတော့ ကလေးရဖူးသူတွေကို လူကုန်ကူးလာတာတွေကြောင့် ပြည်တွင်းမှာ တခုလပ်တွေ၊ ကလေးမွေးဖူးတဲ့သူတွေကို စုလာကြပြီး လူကုန်ကူးမှုပုံစံတွေ လဲပြောင်းလာတယ်လို့ ပြန်လည်ထူထောင်ရေးဦးစီးဌာန ညွှန်ကြားရေးမှူးချုပ် ဦးဝင်းနိုင်ထွန်းက ပြောပါတယ်။

ဒါ့အပြင် တရုတ်နိုင်ငံသားတွေကိုယ်တိုင်မြန်မာပြည်ထဲကို ၀င်ပြီးတော့ စိတ်ကြိုက်ရွေးချယ်ကာ မိဘတွေဆီမှာ သိန်း ၃၀၊ ၄၀နဲ့ တင်တောင်းခြင်းတွေအထိဖြစ်လာတယ်လို့ သိရပါတယ်။ အဲဒီလိုလုပ်ဆောင်ရာမှာ တရားမ၀င် ပတ်စပို့စ် ကိုင်ဆောင်ခြင်းတွေ၊ မြို့တွေမှာ ရင်းနှီးမှုရအောင်ပြုလုပ်ပြီး ငွေကြေးအမြောက်အမြားပေးပြီး တင်တောင်းသွားခြင်းပုံစံနဲ့ ဆောင်ရွက်ခြင်းဖြစ်ပါတယ်။ အဆိုပါကိစ္စရပ်တွေဟာ အရေးကြီးဖြေရှင်းရမယ့်ကိစ္စရပ်တွေနဲ့ ကျယ်ကျယ်ပြန့်ပြန့်တားဆီးနိုင်ရေး လုပ်ဆောင်ရမယ့် ကိစ္စရပ်တွေ ဖြစ်တယ်လို့ ပြန်လည်ထူထောင်ရေးဦးစီးဌာန ညွှန်ကြားရေးမှူးချုပ် ဦးဝင်းနိုင်ထွန်းက ပြောပါတယ်။

ဝန်ဆောင်မှုပေးသူများအတွက် လူကုန်ကူးမှုနှင့် သက်ဆိုင်သောဖြစ်ရပ်များစီမံဆောင်ရွက်ခြင်းနှင့် တရားစွဲဆိုခြင်းဆိုင်ရာ စွမ်းရည်မြှင့် သင်တန်းကို လူမှုဝန်ထမ်းကယ်ဆယ်ရေးနှင့် ပြန်လည်နေရာချထား ရေးဝန်ကြီးဌာန ပြန်လည်ထူထောင်ရေးဦးစီးဌာနနှင့်  World Vision (Myanmar)တို့ ပူးပေါင်းဖွင့်လှစ်တာဖြစ်ပါတယ်။

 

 

Related News