ဒုတိယအကြိမ် ပြည်ထောင်စုလွှတ်တော်(၁၃)ကြိမ်မြောက် ပုံမှန်အစည်းအဝေးကာလအတွင်း နိုင်ငံတော် အတွက် နှစ်စဉ်မဖြစ်မနေ ဆောင်ရွက်ရမယ့် ဥပဒေကြမ်း(၃)ခု ကို အတည်ပြုခြင်းများ ဦးစားပေးဆောင်ရွက်သွားရမယ်လို့ ပြည်ထောင်စု လွှတ်တော် နာယက ဦးတီခွန်မြတ်က ဇူလိုင်လ(၁၅)ရက် ပြုလုပ်ခဲ့တဲ့ ပြည်ထောင်စုလွှတ်တော် အစနေ့မှာကြိုဆို နှုတ်ခွန်းဆက်စကား ပြောကြားစဉ်ထည့်သွင်း ပြောကြားခဲ့တာပါ။ဒုတိယအကြိမ် ပြည်ထောင်စုလွှတ်တော် (၁၃) ကြိမ်မြောက် ပုံမှန်အစည်းအဝေးကာလအတွင်း နိုင်ငံတော်အတွက် နှစ်စဉ် မဖြစ်မနေ ဆောင်ရွက်ရမယ့် ၂၀၁၉-၂၀၂၀ ဘဏ္ဍာရေးနှစ်အတွက် နိုင်ငံတော်ရဲ့ အမျိုးသားစီမံကိန်းဥပဒေကြမ်း၊ ပြည်ထောင်စု၏ဘဏ္ဍာငွေအရအသုံး ဆိုင်ရာဥပဒေကြမ်းနဲ့ ပြည်ထောင်စုရဲ့ အခွန်အကောက်ဆိုင်ရာ ဥပဒေကြမ်းတို့နဲ့စပ်လျဉ်းပြီး ဆွေးနွေးအတည်ပြုခြင်းကို ဦးစားပေး ဆောင်ရွက်သွားရမှာဖြစ်တယ်လို့ ပြည်ထောင်စုလွှတ်တော်နာယက ဦးတီခွန်မြတ်က ပြောပါတယ်။

ဒါ့အပြင် ဆောင်ရွက်ဆဲဖြစ်တဲ့ ဖွဲ့စည်းပုံအခြေခံဥပဒေပြင်ဆင်ရေးလုပ်ငန်းစဉ်များကိုလည်း ဆက်လက်လုပ်ဆောင် ကြရမှာ ဖြစ်သလို လွှတ်တော်အသီးသီးမှာရှိနေတဲ့ ဥပဒေကြမ်းများဆွေးနွေး  အတည်ပြုခြင်းများအပါအ၀င် အခြားလွှတ်တော် ဆိုင်ရာလုပ်ငန်းများကိုလည်း ဦးစားပေးအလိုက် ဆောင်ရွက်ကြရမှာဖြစ်တယ်လို့ ပြည်ထောင်စုလွှတ်တော်နာယက ဦးတီခွန်မြတ်ကပြောပါတယ်။

ဒုတိယအကြိမ် ပြည်ထောင်စုလွှတ်တော် (၁၃) ကြိမ်မြောက် ပုံမှန်အစည်းအဝေးကို အချိန်ကာလအားဖြင့် (၁၀)ပတ်တာ ကျင်းပပြုလုပ်သွားဖို့ လျာထားပြီး လွှတ်တော်ကိုယ်စားလှယ်တွေအနေနဲ့ ပိုမိုများပြားတဲ့လုပ်ငန်းတာဝန်တွေကိုဆောင်ရွက်ရမှာ ဖြစ်တဲ့အတွက် အချိန်ကိုအကျိုးရှိစွာအသုံးချဖို့ လိုအပ်မှာဖြစ်တယ်လို့ ပြည်ထောင်စုလွှတ်တော်နာယကက ပြောပါတယ်။

 

 

Related News