လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာနလက်အောက်ရှိ မူးယစ်ဆေး ဖြတ်ပြီးသူတွေကို ပြန်လည်ထူထောင်ရေးလုပ်ငန်းဆောင်ရွက်ပေးဖို့အတွက် ပြန်လည်ထူထောင်ရေးစခန်း (ရန်ကုန်)မှာ သင်တန်းအပတ်စဉ်(၂/၂၀၁၉)ကို ဇူလိုင်လ(၁၇)ရက်က ဖွင့်လှစ်ခဲ့ပါတယ်။ 

လူမှုဝန်ထမ်း၊ကယ်ဆယ်ရေးနှင့်ပြန်လည်နေရာချထားရေးဝန်ကြီးဌာန၊ ပြန်လည်ထူထောင်ရေးဦးစီးဌာန ကမ္ဘာအေးဘုရားလမ်းရှိ ပြန်လည်ထူထောင်ရေးစခန်း (ရန်ကုန်) ကို(၂၀၁၇)ခုနှစ်  ဒီဇင်ဘာလ (၂၅)ရက်ကဖွင့်လှစ်ခဲ့တာဖြစ်ပါတယ်။အဲ့ဒီ ပြန်လည်ထူထောင်ရေးစခန်း(ရန်ကုန်) မှာမူးယစ်ဆေးဖြတ်ပြီး သူတွေကိုလက်ခံမှာဖြစ်ပြီး မူးယစ်ဆေးဖြတ်ပြီးကြောင်းထောက်ခံစာကိုတော့ ရွာသာကြီးစိတ်ကျန်းမာရေးဆေးရုံနဲ့အစိုးရ အသိအမှတ်ပြုဆေးရုံဆေးခန်းတွေရဲ့ ထောက်ခံစာရရှိမှသာ တက်ရောက်နိုင်မှာ ဖြစ်တယ်လို့သိရပါတယ်။ သင်တန်း အပတ်စဉ်တစ်ခုမှာ သင်တန်းသား(၂၀)ဦးလက်ခံမှာဖြစ်တယ်လို့သိရပါတယ်။ 

သင်တန်းသားတွေကိုတော့စိတ်ဓါတ်ပိုင်းဆိုင်ရာလေ့ကျင့်မှု၊ ခန္ဓာကိုယ်ကျန်းမာဖို့အတွက်အားကစားနည်းများ အပြင် အသက်မွေးဝမ်းကျောင်းပညာတွေဖြစ်တဲ့ ဆပ်ပြာဆီလုပ်ငန်းနဲ့ တံဆိပ်ရိုက်လုပ်ငန်း၊ စိုက်ပျိုးရေးလုပ်ငန်းတွေကို သင်ကြားပေးသွားမယ်လို့သိရပါတယ်။သင်တန်းဆင်းပြီးသင်တန်းသားတွေကိုလည်းစေတနာ့ဝန်ထမ်းတွေက(၁)နှစ်အထိ စောင့်ကြည့်ထိန်းသိမ်းခြင်းတွေလုပ်ဆောင်ပေးမှာဖြစ်တယ်လို့သိရပါတယ်။ပြန်လည်ထူထောင်ရေးစခန်း(ရန်ကုန်)မှာ သင်တန်းအပတ်စဉ်တစ်ခုကို(၃၅)ရက်ကြာသင်ကြားပေးတာဖြစ်ပြီး၊ သင်တန်းသားတွေအနေနဲ့ သင်တန်းအပတ်စဉ်တစ်ခုနဲ့လုံလောက်မှုမရှိပါက သင်တန်းအပတ်စဉ်(၂)ခုထိသင်ကြားပေးသွားမယ်လို့သိရပါတယ်။

 

 

Related News