မန္တလေးမြို့တော်စည်ပင်သာယာရေးကော်မတီက ခေတ်မီအမှိုက်စွန့်ပစ်အမှိုက်ကျင်းအသစ်တစ်ခု တည်ဆောက် နေတယ်လို့ မန္တလေးမြို့တော်စည်ပင်သာယာရေးကော်မတီက သိရပါတယ်။ မန္တလေးမြို့တော်စည်ပင်သာယာရေးကော်မတီက မန္တလေးမြို့တော်စွန့်ပစ်အမှိုက်စီမံချက်(၂၀၁၇-၂၀၃၀)ရဲ့ အစိတ်အပိုင်း တစ်ခုဖြစ်တဲ့ ခေတ်မီအမှိုက်ကျင်းတည်ဆောက်ရေးစီမံကိန်းကို မန္တလေးမြို့မြောက်ဘက် (၁၀)မိုင်အကွာ၊ ကျောက်ကြမ်းတောင်၊ ကြာနီကန်ရွာအနီး တည်ဆောက်နေတာပါ။ ဒီအမှိုက်ကန်က နိုင်ငံတကာအဆင့်မီ အဆင့်မြင့်အမှိုက်ကန်စနစ်ဖြစ်တယ်လို့ သိရပါတယ်။ အမှိုက်ကျင်းကို အလွှာလိုက်ထားရှိမှာဖြစ်ပြီး  အမှိုက်ကထွက်ရှိတဲ့ မီသိန်းဓါတ်ငွေစိမ့်ဝင်တာကို စုဆောင်းမှာ ဖြစ်ပါတယ်။ ဒီဓါတ်ငွေ့တွေကို အမှိုက်ကျင်းမှာ ပြန်သုံးမှာဖြစ်ပြီး(၇၅)ကီလိုဝပ်ကို လျှပ်စစ်ထုတ်လုပ်ခြင်း၊ အမှိုက်ကန်ကထွက်တဲ့ Lechate (လတ်ချိတ်)လို့ခေါ်တဲ့ ရေဆိုးတွေ မစိမ့်နိုင်အောင်(၂)မီလီမီတာအခင်းနဲ့ သဲကြမ်းခင်းခြင်း၊ ပိုက်အဆင့်ဆင့်ကနေ ထွက်ရှိတဲ့ ရေဆိုးတွေကိုစုကာ သန့်စင်ပြီးမှ စွန့်ပစ်စနစ်နဲ့ အမှိုက်အမျိုးအစားအလိုက် ခွဲခြားသန့်စင်နိုင်မယ့်စနစ်တွေ ပါဝင်တာဖြစ်ပါတယ်။

ယခုတည်ဆောက်နေတဲ့ အမှိုက်ကျင်းသစ်အတွက် မြေနေရာကို မန္တလေးမြို့တော်စည်ပင်သာယာရေးကော်မတီက ဝယ်ယူ ထားကာ တည်ဆောက်ရေးကို မြို့တော်စည်ပင်ကဝန်ထမ်းတွေနဲ့  ယန္တရားတွေအဓိကအသုံးပြု တည်ဆောက်နေတာ ဖြစ်ပါတယ်။  အမှိုက်ကျင်းသစ်ရဲ့ နည်းပညာပိုင်းကို ဂျပန်နဲ့ကိုရီးယားက လေ့လာထားတဲ့နည်းပညာအပေါ်မှာ အခြခံပြီးဆောက်လုပ်နေတာ ပါတယ်။ မန္တလေးမြို့က တစ်ရက်ကို အမှိုက်တန်(၁)ထောင်ဝန်းကျင် ထွက်ရှိပြီး ဒီအမှိုက်ကျင်းပြီးသွားရင် အမှိုက်အသစ်တွေကို စတင်စွန့်ပစ်နိုင် ပြီလို့ သိရပါတယ်။ ဒီအမှိုက်ကျင်းပြီးသွားရင် အမှိုက်တန်ချိန် (၄)သိန်း (၆)သောင်း လက်ခံ စွန့်ပစ်နိုင်တယ်လို့ သိရပါတယ်။ ယခုဘဏ္ဍာရေးနှစ် စက်တင်ဘာလကုန်မှာ အမှိုက်ကျင်း၊ အခင်း၊ ပိုက်လိုင်းနဲ့ ရေဆိုးစုထည့်နိုင်တဲ့ စနစ်တွေပြီးမှာ ဖြစ်ပြီး အခုနှစ်ကုန်ပိုင်းလောက်မှာ စတင်အသုံးပြုနိုင်မယ်လို့ သိရပါတယ်။

မန္တလေးမြို့မှာ တောင်အင်းမြောက်အင်းနေရာနဲ့ အေးရိပ်ငြိမ်သုဿာန် အနီးနေရာတွေမှာ အမှိုက်ကျင်းဟောင်း(၂)ခုရှိပြီး ဒီအမှိုက် ကျင်းတွေက လက်ရှိမှာ မြို့နဲ့ဝေးတဲ့ နေရာတစ်ခုမှာ ကျင်းတူးပြီး စွန့်ပစ်တဲ့ ပုံစံဖြစ်ပါတယ်။ ဒီလိုစွန့်ပစ်တဲ့ စနစ်ရဲ့ ဆိုးကျိုးက မီသိန်းဓါတ်ငွေ့ထွက်သလို တခါတရံမီးလောင်လေ့ရှိပါတယ်။ ဒါ့အပြင် အမှိုက်တွေထဲက စိုနေတဲ့  ရေဆိုးတွေကလည်း မြေအောက် ရေကို ညစ်ညမ်းစေပါတယ်။  ဒီအမှိုက်ကျင်းဟောင်းတွေက အမှိုက်တွေကို လောင်စာအဖြစ် သုံးကာ လျှပ်စစ်ဓါတ်အားထုတ်တဲ့ စနစ်ကို ကမ်းလှမ်းထားတဲ့  နိုင်ငံခြားကုမ္ပဏီတွေရှိနေပြီး လက်ရှိမှာတော့ မြို့တော်စည်ပင်နဲ့ညှိနှိုင်းဆဲဖြစ်တယ်လို့ သိရပါတယ်။

 

 

Related News