ရန်ကုန်မြို့၊ ဂျိုးဖြူရေပိုက်လိုင်းအနီးတွင် စည်းကမ်းမဲ့ကျူးကျော်သူတွေမှ ဆောင်ရွက်နေသည်များကို ဥပဒေနှင့်အညီ ဖယ်ရှားရှင်းလင်း ဆောင်ရွက်မည်လို့ ဇူလိုင်လ (၁၈)ရက်က နေပြည်တော်မှာပြုလုပ်တဲ့ ဒုတိယအကြိမ် အမျိုးသားလွှတ်တော် (၁၃)ကြိမ်မြောက်ပုံမှန်အစည်းအဝေး ဒုတိယနေ့မှာနေပြည်တော်ကောင်စီ ကောင်စီဝင် ဦးတင်ထွန်းက ရန်ကုန်တိုင်းဒေသကြီးအစိုးရအဖွဲ့၏ဖြေကြားချက်ကိုကိုယ်စားတင်ပြခဲ့တာပါ။ 

ရန်ကုန်တိုင်းဒေသကြီး မဲဆန္ဒနယ်အမှတ် (၁၀)မှ အမျိုးသားလွှတ်တော်ကိုယ်စားလှယ် နော်လှလှစိုးက ရန်ကုန်မြို့၊ ဂျိုးဖြူရေပိုက်လိုင်းအနီးတွင် စည်းကမ်းမဲ့ ကျူးကျော်သူများမှအခြေချနေထိုင်ဆောက်လုပ်နေသည်များ၊ အမှိုက်နှင့် အညစ်အကြေးစွန့်ပစ်ခြင်းများကို ပညာပေးခြင်းအရေးယူခြင်းပြုလုပ်ရန် အစီအစဉ် ရှိ/မရှိနဲ့ စပ်လျဉ်းတဲ့ ကြယ်ပွင့်ပြမေးခွန်းကို မေးမြန်းခဲ့ပြီး နေပြည်တော်ကောင်စီ ကောင်စီဝင် ဦးတင်ထွန်းက ရန်ကုန်တိုင်းဒေသကြီးအစိုးရအဖွဲ့၏ဖြေကြားချက်ကိုကိုယ်စားတင်ပြခဲ့တာပါ ပြန်လည်ဖြေကြားခဲ့တဲ့ အထဲမှာ ကျူးကျော်နေထိုင်သူတွေကို ဖယ်ရှားရှင်းလင်းရာမှာ ရေရရှိရေးနဲ့ ရေပေးဝေရေးလုပ်ငန်းတာဝန်ခံအဖွဲ့ အင်ဂျင်နီယာဌာန (ရေနှင့်သန့်ရှင်းမှု) ဌာနတစ်ခုတည်းအနေနဲ့ ဆောင်ရွက်ဖို့အတွက် အခက်အခဲရှိတယ်လို့သိရပါတယ်။ အဲ့ဒါကြောင့် အာဏာပိုင် အဖွဲ့အစည်းတွေရဲ့ ဦးဆောင်မှုနဲ့ မြန်မာနိုင်ငံရဲတပ်ဖွဲ့ဝင်တွေအပါအ၀င် ဌာနဆိုင်ရာအဖွဲ့အစည်းများမှ ပူးပေါင်း အဖွဲ့အစည်းတွေ၊ ရန်ကုန်မြို့တော်စည်ပင်သာယာရေးကော်မတီ ပူးပေါင်းအဖွဲ့အစည်းတွေနဲ့၊ သက်ဆိုင်ရာနယ်မြေခံ လွှတ်တော်ကိုယ်စားလှယ်တွေရဲ့ အကူအညီတွေရယူပြီး ဥပဒေနဲ့အညီ ဖယ်ရှားရှင်းလင်းသွားမယ်လို့နေပြည်တော်ကောင်စီ ကောင်စီဝင် ဦးတင်ထွန်းကပြောကြားခဲ့ပါတယ်။

ဂျိုးဖြူရေပိုက်လိုင်းဟာ (၁၉၃၅) ခုနှစ်မှာ စတင်တည်ဆောက်ခဲ့ပြီး ရန်ကုန်မြို့တွင်းကို ထိုအချိန်မှစပြီး နေ့စဉ်ရေပို့လွှတ်နေတဲ့ ရေပိုက်လိုင်းတစ်ခု ဖြစ်ပါတယ်။ ၄င်းရေပိုက်လိုင်းဟာရန်ကုန်မြို့ရဲ့ အဓိကရေပေးဝေရာ ပိုက်လိုင်းတစ်ခုဖြစ်ပြီး ရန်ကုန်မြို့တွင်းကို နေ့စဉ်ရေဂါလံသန်းပေါင်းများစွာကို ပို့ဆောင်ဖြန့်ဝေပေးနေတဲ့ ရေပိုက်လိုင်းလည်း ဖြစ်ပါတယ်။ ယခုအခါမှာတော့ စည်းကမ်းမဲ့ကျူးကျော်သူတွေက ပိုက်လိုင်းအနီးမှာ အခြေချနေထိုင်ဆောက်လုပ်နေတာတွေ၊ စည်းကမ်းမဲ့ အမှိုက်ပစ်ခြင်းတွေ လုပ်ဆောင်လာတာကိုတွေ့ရတယ်လို့ ရန်ကုန်တိုင်းဒေသကြီးမဲဆန္ဒနယ်အမှတ် (၁၀)မှ အမျိုးသားလွှတ်တော်ကိုယ်စားလှယ် နော်လှလှစိုးက ပြောကြားခဲ့ပါတယ်။

ရန်ကုန်မြို့တော်စည်ပင်သာယာရေးကော်မတီ အမိန့်ကြေငြာစာအမှတ်(၆/၉၉)ဖြင့် ထုတ်ပြန်ထားတဲ့ နည်းဥပဒေအရ ရန်ကုန်မြို့တော်ရေပေးဝေရေးလုပ်ငန်း ရေပို့ပိုက်မကြီး၏အလည်အူကြောင်းမှ ဘေးဝဲယာတစ်ဖက်တစ်ချပ်(၂၅)ပေကို ပိုက်လုံးနယ်နမိတ်အဖြစ် သတ်မှတ်ထားပြီးမကျူးကျော်ဖို့ တားမြစ်ထားတယ်လို့သိရပါတယ်။

 

 

 

Related News