မန္တလေးမြို့လူနေမှုနှင့်သဘာဝပတ်ဝန်းကျင်ဖွံ့ဖြိုးတိုးတက်ရေးဆိုင်ရာခေါင်းစဉ်ဖြင့်စွန့်ဦးတီထွင်ပြိုင်ပွဲပြုလုပ်သွားမယ်လို့သြဂုတ်လ (၇)ရက်ကမန္တလေးတိုင်းဒေသကြီးလူငယ်စွန့်ဦးတီထွင်လုပ်ငန်းရှင်များအသင်းမှာပြုလုပ်ခဲ့တဲ့သတင်းစာရှင်းလင်းပွဲကသိရပါတယ်။စွန့်ဦးတီထွင်ပြိုင်ပွဲကိုမန္တလေးတိုင်းဒေသကြီးလူငယ်စွန့်ဦးတီထွင်လုပ်ငန်းရှင်များအသင်းကဦးစီးပြီးဒုတိယအကြိမ်မြောက်ကျင်းပပြုလုပ်မှာဖြစ်ပါတယ်။ဒီပြိုင်ပွဲပြုလုပ်တာဟာမန္တလေးမြို့ကိုတစ်ဖက်တစ်လမ်းကအထောက်အကူဖြစ်စေဖို့၊မန္တလေးမြို့လူနေထိုင်မှုဘဝတိုးတက်လာစေဖို့၊လမ်းပန်းဆက်သွယ်ရေးကောင်းမွန်လာစေဖို့၊သဘာဝပတ်ဝန်းကျင်စိမ်းလန်းသာယာစေဖိုိ့ရည်ရွယ်ပြီးကျင်းပပြုလုပ်တာဖြစ်တယ်လို့သိရပါတယ်။

ဒီစွန့်ဦးတီထွင်ပြိုင်ပွဲမှာပြိုင်ပွဲဝင် (၂၂) ဖွဲ့ရှိဝင်ရောက်ယှဉ်ပြိုင်မှာဖြစ်ပါတယ်။ဒီပြိုင်ပွဲဝင်တွေကိုအဆင့်ဆင့်ရွေးချယ်သွားမယ်လို့သိရပါတယ်။ပထမဆုအနေနဲ့ (၁၀)သိန်း၊ဒုတိယဆု (၇)သိန်း၊တတိယဆု (၅) သိန်းနဲ့နှစ်သိမ့်ဆု (၂)ဆုချီးမြှင့်သွားမှာဖြစ်ပါတယ်။

စွန့်ဦးတီထွင်ပြိုင်ပွဲမှဆုရရှိတဲ့အဖွဲ့ကိုမန္တလေးမြို့တော်စည်ပင်သာယာရေးကော်မတီကိုတင်ပြသွားမှာဖြစ်ပြီးမန္တလေးမြို့တော်စည်ပင်ကသာယာလှပရေးအတွက်အသုံးပြုလိုပါကအသုံးပြုခွင့်ပေးသွားမှာဖြစ်တယ်လို့သိရပါတယ်။လူနေမှုနှင့်သဘာဝပတ်ဝန်းကျင်ဖွံ့ဖြိုးတိုးတက်ရေးဆိုင်ရာခေါင်းစဉ်ဖြင့်စွန့်ဦးတီထွင်ပြိုင်ပွဲကိုလာမယ့်သြဂုတ်လ (၂၄)ရက်မန္တလေးမြို့အမျိုးသားကဇာတ်ရုံမှာကျင်းပပြုလုပ်သွားမှာဖြစ်ပါတယ်။

 

Related News