ရန်ကုန်က ၀န်ထမ်းအိမ်ရာတွေမှာ နှစ်ရှည်နေထိုင်လာပြီး နေထိုင်ခွင့်မရှိချိန်မှာ  မဖယ်ပေးချင်တော့တဲ့သူတွေကို တည်ဆဲဥပဒေများနဲ့ အညီ ဖယ်ရှားမှုဥပဒေတွေအတိုင်း ဖြေရှင်းလုပ်ဆောင်သွားမှာဖြစ်တယ်လို့ ရန်ကုန်တိုင်းဒေသကြီးဝန်ကြီးချုပ်က ပြောကြားလိုက်ပါတယ်။ရန်ကုန်မှာရှိတဲ့ ၀န်ထမ်းအိမ်ရာတွေ၊ အငှားအိမ်ရာတွေကို ရန်ကုန်တိုင်းဒေသကြီးအတွင်းမှာ တာဝန်ထမ်းဆောင်ခဲ့တဲ့ နိုင်ငံ့ဝန်ထမ်းတွေ အပါအ၀င် ၀န်ထမ်းမိသားစု ပြည်သူတွေအတွက် အစိုးရအနေနဲ့ အပျောက်ရောင်းချပေးတာ၊ ငှားရမ်းပေးတာ၊ ၀န်ထမ်းအိမ်ရာချထား ပေးတာတွေကို လုပ်ဆောင်ပေးခဲ့တယ်လို့ သိရပါတယ်။

ဒီအခြေအနေဟာ နိုင်ငံ့ဝန်ထမ်းတာဝန် ထမ်းဆောင်နေတဲ့အချိန်တွေမှာ  နေထိုင်ရေးအတွက်အစိုးရက ချထားပေးခဲ့တာဖြစ်ပြီး အပြီးအပိုင်ပေးထားတာမဟုတ်ကြောင်း သိရှိနာလည်ဖို့ လိုအပ်တယ်လို့ ရန်ကုန်တိုင်း ဒေသကြီးဝန်ကြီးချုပ်ဦးဖြိုးမင်းသိန်းက  သြဂုတ်လ(၃)ရက်က ကျင်းပပြုလုပ်တဲ့ ရန်ကုန်တိုင်းဒေသကြီးအစိုးရအဖွဲ့ သတင်းစာရှင်းလင်းပွဲမှာ ရှင်းလင်းပြောကြားခဲ့ပါတယ်။ လက်ရှိဝန်ထမ်းအိမ်ရာတွေမှာ နေထိုင်နေသူတစ်ချို့ဟာ အနေကြာလာပြီး နေထိုင်ခွင့်မရှိတော့တဲ့အချိန်မှာ တောင် မဖယ်ပေးချင်ကြတော့တဲ့ အခြေအနေတွေရှိနေတယ်လို့ ၀န်ကြီးချုပ်က ပြောပါတယ်။ ဒီလိုမဖယ်ပေးချင်တော့တဲ့သူတွေကို တည်ဆဲ ဥပဒေများနဲ့အညီ၊ ဖယ်ရှားမှုဥပဒေတွေအတိုင်း ဖြေရှင်းလုပ်ဆောင်သွားမှာဖြစ်တယ်လို့ ရန်ကုန်တိုင်းဒေသကြီးဝန်ကြီးချုပ်က ပြောကြား လိုက်ပါတယ်။နိုင်ငံ့ဝန်ထမ်းတာဝန်ထမ်းဆောင်ခဲ့ပြီး အသက်အရွယ်ကြီးရင့်လာလို့ ၀န်ထမ်းအိမ်ရာတွေမှာ နေထိုင်နေရတဲ့အခြေအနေတွေ ပျက်ယွင်းသွား မှာကို စိုးရိမ်မှုတွေအတွက် နေထိုင်ရေးအဆင်ပြေနိုင်အောင် ပြန်လည်နေရာချထားပေးနိုင်ဖို့ကိုလည်း တိုင်းဒေသကြီးအစိုးရအနေနဲ့ စီစဉ်ထားတာတွေရှိတယ်လို့ သိရပါတယ်။

နိုင်ငံ့ဝန်ထမ်းတွေနေထိုင်ဖို့ အစိုးရက ၀န်ထမ်းအိမ်ရာ၊ အငှားအိမ်ရာတွေ တည်ဆောက်ချထားပေးခဲ့တာဟာ လွတ်လပ်ရေးရပြီးနောက်ပိုင်း ပြည်တော်သာ အိမ်ရာစီမံကိန်းတွေကတည်းက စတင်ခဲ့တာဖြစ်တယ်လို့လည်း သိရပါတယ်။ ၀န်ထမ်းအိမ်ရာ၊ အငှားအိမ်ရာတွေမှာ နေထိုင်ပြီး မဖယ်ရှားချင်တော့တဲ့သူတွေကို (၁၉၅၅)ခုနှစ်၊ အစိုးရအိမ်ဥပစာ(နှင်ထုတ်ခြင်း)အက်ဥပဒေအရ ဖယ်ရှားရှင်းလင်းရတာဖြစ်ပြီး ဖယ်ရှားရေး လုပ်ထုံးလုပ်နည်း၊ ဥပဒေများနဲ့ဆောင်ရွက်ရမှာဖြစ်တယ်လို့ ၀န်ကြီးချုပ်က ပြောပါတယ်။ (၁၉၅၅)ခုနှစ်၊ အစိုးရအိမ်ဥပစာ (နှင်ထုတ်ခြင်း)အက်ဥပဒေကို “(၁၉၅၅)ခုနှစ်၊ အစိုးရအိမ်ဥပစာ(နှင်ထုတ်ခြင်း)အက်ဥပဒေကို ပြင်ဆင်သည့်ဥပဒေ” အဖြစ် (၂၀၁၂)ခုနှစ် သြဂုတ်လ(၃၁)ရက်က ပြဋ္ဌာန်းခဲ့တယ်လို့သိရပါတယ်။ 

 

Related News