(၂၀၁၄)ခုနှစ်လူဦးရေနှင့်အိမ်အကြောင်းအရာ သန်းခေါင်စာရင်းအရ မြန်မာနိုင်ငံလူဦးရေရဲ့(၄.၆)ရာခိုင်နှုန်း၊ လူဦးရေ (၂၃)သိန်းဟာ မသန်စွမ်းသူတွေဖြစ်ပါတယ်။ မသန်စွမ်းသူဦးရေ(၂၃)သိန်းမှာ(၁၅)ရာခိုင်နှုန်းသာ အလုပ်အကိုင်ရရှိနေသေး တယ်လို့ မြန်မာနိုင်ငံမသန်စွမ်းသူများ အသင်းချုပ်က သိရပါတယ်။ 

မြန်မာနိုင်ငံရဲ့မသန်စွမ်းသူဦးရေ(၂၃)သိန်းထဲက (၂၃)ရာခိုင်နှုန်းသောမသန်စွမ်းသူတွေက အလုပ်လုပ်ကိုင်နိုင်စွမ်းရှိပေမယ့် လက်ရှိမှာ မသန်စွမ်းသူတွေရဲ့ အလုပ်အကိုင်ရရှိမှုက(၁၅)ရာခိုင်နှုန်းသာရရှိတာကြောင့် မသန်စွမ်းသူအလုပ်အကိုင်ရရှိမှုနည်းပါးနေတယ်လို့သိရပါတယ်။ 

မြန်မာနိုင်ငံမသန်စွမ်းသူများအသင်းချုပ်အနေနဲ့အလုပ်အကိုင်ရေးရာကော်မတီကိုဖွဲ့စည်းထားပြီး မသန်စွမ်းတွေသူတွေ အလုပ်အကိုင်ရရှိဖို့အတွက် စီးပွားရေးလုပ်ငန်းရှင်များနဲ့ ချိတ်ဆက်ပေးခြင်း၊ မသန်စွမ်းသူတွေရဲ့ လုပ်ဆောင်နိုင်မှု အခြေအနေတွေကိုအသိပညာပေးဆွေးနွေးခြင်း၊ မသန်စွမ်းမှုအမျိုးအစားအလိုက် သဟဇာတဖြစ်မယ့် လုပ်ငန်းခွင် ဖန်တီးပေးခြင်း၊ လုပ်ငန်းခွင်ဝင်ရောက်ဖို့လိုအပ်တဲ့သင်တန်းများကိုဌာနဆိုင်ရာ တွေနဲ့ချိတ်ဆက်ပေးခြင်း စတာတွေ ဆောင်ရွက်ပေးတယ်လို့သိရပါတယ်။

မြန်မာနိုင်ငံမသန်စွမ်းသူများအသင်းချုပ်မှချိတ်ဆက်ပေးပြီးလက်ရှိလုပ်ငန်းခွင်ထဲရောက်ရှိတာကတော့ ကမ္ဘောဇဘဏ်မှာ(၂၃)ဦး၊ OK $ call center မှာ (၅)ဦး၊ လူပျံတော်ပတ္တမြားဆေးတိုက်မှာ(၄)ဦး၊ Home Distrabution Group မှာ(၅)ဦးအပြင် မိုးယံရွှေလမင်းနှင့်မြတ်ဆုကုဋေထီဆိုင်နဲ့လည်းချိတ်ဆက် ပေးထားတယ်လို့သိရပါတယ်။ 

 

Related News