ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ(၂၀၀၈ ခုနှစ်) ပြင်ဆင်ရေးပူးပေါင်းကော်မတီ၏ အစီရင်ခံစာကို သြဂုတ်လ (၉)ရက်က နေပြည်တော်မှာပြုလုပ်တဲ့ ဒုတိယအကြိမ် ပြည်ထောင်စုလွှတ်တော် (၁၃)ကြိမ်မြောက် ပုံမှန်အစည်းအဝေးမှာ အတည်ပြုခဲ့တယ် လို့ သိရပါတယ်။  ပြည်ထောင်စုသမ္မတ မြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ ခုနှစ်) ပြင်ဆင်ရေးပူးပေါင်း ကော်မတီ၏ အစီရင်ခံစာအပေါ် လွှတ်တော် ကိုယ်စားလှယ်များ၏ ဆွေးနွေးချက်တွေနဲ့ စပ်လျဉ်းပြီး ကော်မတီဥက္ကဋ္ဌ ဦးထွန်းထွန်းဟိန်က ပြန်လည်ရှင်းလင်းတင်ပြခဲ့ပါတယ်။

အဲ့ဒီထဲမှာ  ဖွဲ့စည်းပုံအခြေခံဥပဒေပြင်ဆင်ရေး ပူးပေါင်းကော်မတီ၏ အစီရင်ခံစာအပေါ်မှာ ထောက်ခံခြင်း၊ ကန့်ကွက်ခြင်းတွေအပေါ်မှာ ရှင်းလင်းတင်ပြလိုခြင်းမရှိပဲ လွှတ်တော်ကိုယ်စားလှယ်တွေရဲ့ အကြံပြုချက်တွေအပေါ်မှာတော့ သေချာစွာမှတ်သားနာယူထားပြီး ရှေ့လုပ် ငန်းစဉ်ဖြစ်တဲ့ ဥပဒေကြမ်းရေးဆွဲရေးမှာ ထည့်သွင်းစဉ်းစားသွားမယ်လို့ ပြောကြားခဲ့ကာ အဆိုပါ အစီရင်ခံစာကို အတည်ပြုပေးရန်အတွက် လွှတ်တော်ရဲ့အဆုံးအဖြတ်ရယူရန် တင်ပြခဲ့ပါတယ်။

အဲ့ဒီနောက် ပြည်ထောင်စု သမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ ခုနှစ်) ပြင်ဆင်ရေး ပူးပေါင်းကော်မတီရဲ့ အစီရင်ခံစာနဲ့ စပ်လျဉ်းပြီး ပြည်ထောင်စုလွှတ်တော်ရဲ့ အဆုံးအဖြတ်ကို ရယူရန်အတွက် စက်ခလုတ်အသုံးပြုမဲခွဲဆုံးဖြတ်ရာမှာ ထောက်ခံဆန္ဒမဲပေါင်း (၄၀၁)မဲ၊ ကန့်ကွက် ဆန္ဒမဲပေါင်း (၁၉၇)မဲရရှိခဲ့ပြီး ထောက်ခံဆန္ဒမဲက ပိုမိုများပြားခဲ့တာကြောင့် အတည်ပြုလိုက်ပါတယ်။ပြည်ထောင်စု သမ္မတမြန်မာနိုင်ငံတော် ဖွဲ့စည်းပုံအခြေခံဥပဒေ (၂၀၀၈ ခုနှစ်) ပြင်ဆင်ရေး ပူးပေါင်း ကော်မတီရဲ့ အစီရင်ခံစာကို ဇူလိုင်လ (၃၀)ရက်က ပြုလုပ်ခဲ့တဲ့ ဒုတိယအကြိမ် ပြည်ထောင်စုလွှတ်တော် (၁၃) ကြိမ်မြောက်ပုံမှန်အစည်းအဝေးမှာ လွှတ်တော်ကိုယ်စားလှယ်၁၇ဦး၊ သြဂုတ်လ (၁)ရက်က ပြုလုပ်ခဲ့တဲ့ဒုတိယအကြိမ် ပြည်ထောင်စု လွှတ်တော် (၁၃) ကြိမ်မြောက်ပုံမှန်အစည်းအဝေးမှာ လွှတ်တော်ကိုယ်စားလှယ်(၂၄)ဦး စုစုပေါင်းလွှတ်တော်ကိုယ်စားလှယ် (၄၁)ဦး ဆွေး နွေးခဲ့ကြတာ ဖြစ်ပါတယ်။ 

 

 

Related News