အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့မှာ  (၂၀၁၉)ခုနှစ်၊ ဇူလိုင်လ နောက်ဆုံး အပတ်အထိ လူမှုဖူလုံရေးအာမခံ အလုပ်သမား(၁.၃၈)သန်းကျော်ထိရှိလာတယ်လို့ သိရပါတယ်။အလုပ်သမား၊လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန၊ လူမှုဖူလုံရေးအဖွဲ့ မှာ (၂၀၁၂)ခုနှစ် လူမှုဖူလုံရေးဥပဒေ စတင်ကျင့်သုံးစဉ်က အာမခံ အလုပ်သမား(၇)သိန်းကျော်သာရှိခဲ့ပြီး အခု(၂၀၁၉)ခုနှစ် ဇူလိုင်လနောက် ဆုံးအပတ်အထိ လူမှုဖူလုံရေးအာမခံအလုပ်သမား(၁.၃၈)သန်းကျော်ထိ ရှိလာတယ်လို့ သိရပါတယ်။တစ်နိုင်ငံလုံးအတိုင်းအတာအနေနဲ့ အကျုံးဝင်လုပ်ငန်းဌာနပေါင်း (၁၃၃၀၀)ကျော်ရှိတယ်လို့ သိရပါတယ်။ ရန်ကုန်တိုင်းဒေသကြီး အတွင်းမှာ အကျုံးဝင်အလုပ်ဌာနပေါင်း(၁၂၆၉၉)ဌာနမှ အာမခံအလုပ်သမားပေါင်း(၉၄၅၃၂၉)ဦးရှိတာကြောင့် ရန်ကုန်တိုင်းဒေသကြီးအနေနဲ့ တစ်နိုင်ငံလုံးရှိ အာမခံ အလုပ်သမားတွေရဲ့ (၆၉.၄၈)ရာခိုင်နှုန်းရှိတယ်လို့ သိရပါတယ်။

လက်ရှိမှာ လူမှုဖူလုံရေးအဖွဲ့အနေနဲ့ လူမှုဖူလုံရေးအာမခံထည့်ဝင်ကြေး စုဆောင်းငွေပေါင်း ကျပ်(၃၆၀)ဘီလျံကျော်ရှိပြီး မြန်မာ့စီးပွားရေးဘဏ်မှာ အပ်နှံထား တယ်လို့ သိရပါတယ်။ လူမှုဖူလုံရေးဥပဒေအရ ရင်းနှီးမြှုပ်နှံမှုအစီအစဉ်တွေကိုလုပ်ဆောင်ဖို့ ရင်းနှီးမြှုပ်နှံမှု အမျိုးသားအဆင့် လူမှုဖူလုံရေးအစည်းအဝေးကို ကျင်းပပြီး စီးပွားရေးပညာရှင်တွေ၊ ဌာနဆိုင်ရာမှတာဝန်ရှိသူတွေနဲ့ ညှိနှိုင်းဆောင်ရွက်သွားဖို့ရှိတယ်လို့ သိရပါတယ်။အလုပ်သမား၊လူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန၊လူမှုဖူလုံရေးအဖွဲ့အနေနဲ့ (၂၀၁၂)ခုနှစ် လူမှုဖူလုံရေးဥပဒေပါ အာမခံစနစ်(၆)မျိုး ထဲကမှ လူမှုဖူလုံရေးအာမခံအလုပ်သမားတွေရဲ့ ကျန်းမာရေးစောင့်ရှောက်မှုကို အဖွဲ့ပိုင်ဆေးရုံကြီး (၃)ရုံ၊ မြို့နယ်ဆေးခန်း (၉၆) ခန်း၊ ဌာနကြီးဆေးခန်း (၅၇) ခန်း၊ကဲဝဲလ်ဆေးခန်း (၅) ခန်း၊ တိုင်းရင်းဆေးကုခန်း (၁) ခန်း၊ PPS စနစ်ဆေးခန်း(၇)ခန်း၊ ရွေ့လျားဆေးကုသယာဉ် (၂) စင်းတို့နဲ့ ၀န်ဆောင်မှုပေးနေတယ်လို့ သိရပါတယ်။

 

 

Related News