ရှမ်းပြည်မြောက်ပိုင်း မြန်မာ-တရုတ်နယ်စပ် နှစ်နိုင်ငံအကြား ရွှေလီမြစ်ကမ်းဘေးက မူဆယ်မြို့မှာ ခေတ်မှီမြို့ပတ်ကမ်းနားလမ်းနဲ့ မူဆယ်ဗဟို စီးပွားရေးဇုံစီမံကိန်းလမ်းမကြီး ကို ဇန်န၀ါရီလ ၁၉ ရက်က အခမ်းအနားနဲ့ ဖွင့်လှစ်လိုက်ပါတယ်။အဲဒီဖွင့်ပွဲ နေ့မှာပဲ မင်္ဂလာမူဆယ်လမ်းလျှောက်ဈေးဖွင့်ပွဲကိုလဲ ပြုလုပ်ခဲ့ပါတယ်။  မင်္ဂလာမူဆယ် လမ်းလျှောက်ဈေးမှာတော့ မြန်မာ-တရုတ် ထုတ်ကုန်ပစ်္စည်းတွေကို ဇန်န၀ါရီလ ၁၉ ရက်ကနေ ၂၁ ရက်အထိ ၃ ရက်တိုင်  ဖွင့်လှစ်ရောင်းချကြပါတယ်။

မူဆယ်ဗဟိုစီးပွားရေးဇုန်မှာတော့ လူနေဆိုင်ခန်း ၁၉၂ ခန်းရှိပြီး၊ အခန်းတွေကို  ဧရာဝတီဘဏ်နဲ့ ချိတ်ဆက်ကာ ၆ နှစ်အရစ်ကျငွေချေစနစ်နဲ့ရောင်းချပေးသွားမယ်လို့ သိရပါတယ်။ လက်ရှိမှာတော့ ဆိုင်ခန်းတွေရဲ့ ၆၅ ရာခိုင်နှုန်းခန့် ရောင်းချပြီးစီးထားပြီး ဖြစ်တယ်လို့ လည်း သိရပါတယ်။ရွှေလီမြစ်ဘေးက မူဆယ်ဗဟိုစီးပွားရေးဇုန်စီမံကိန်းဟာ ၂၉၄ ဧက ကျော် ကျယ်ဝန်းပြီး  ကျပ်သန်းပေါင်း ၉၃ ဘီလီယံ ရင်းနှီးမြှပ်နှံထားတာပါ။ ဇုန် ၆ ခု နဲ့ အကောင်ထည်ဖော် ဆောင်ရွက်နေပြီး နှစ်နိုင်ငံချစ်ကြည်ရေးအဖြစ် PASSPORT နဲ့ ၀င်ထွက်နိုင်ဖို့ INTERNATIONALGATE  ၀င်ထွက်ပေါက်လုပ်နေရာမှာ လက်ရှိ ၈၀ ရာခိုင်နှုန်း ပြီးစီး နေပြီလို့ သိရပါတယ်။

မူဆယ်ဗဟိုစီပွားရေးဇုန်စီမံကိန်းကိုတော့ ၂၀၁၃ ခုနှစ်က စပြီး ရှမ်းပြည်နယ်အစိုးရ ဒေသန္တရဖွံ့ဖြိုးရေး စီမံကိန်းကော်မတီ နဲ့ နယူးစတားလိုက် ဆောက်လုပ်ရေး ကုမ္ပဏီလီမိတက်တို့ အကျိုးတူပူးပေါင်းတဆောင်ရွက်နေတာလို့ သိရပါတယ်။ 

 

 

Related News