အုပ်ချုပ်ရေး၊ ဥပဒေပြုရေးနဲ့ တရားဥပဒေစိုးမိုးရေးအပါအ၀င် သတင်းမီဒီယာဆိုတဲ့မဏ္ဍိုင်လေးခုက တာဝန်ရှိသူတွေဟာ လာမယ့်ဒီဇင်ဘာလ(၃၀)ရက်နေပြည်တော်မှာ အလုပ်ရုံဆွေးနွေးပွဲပြုလုပ်မှာ ဖြစ်ပါတယ်။ ဒီအလုပ်ရုံဆွေးနွေးပွဲမှာ မဏ္ဍိင်(၃)ရပ်ကတာဝန်ရှိသူတွေနဲ့ သတင်းမီဒီယာသမားတွေဟာ သတင်းမီဒီယာတွေနဲ့သတင်းပေးသူတွေရဲ့လုံခြုံရေးနဲ့ပတ်သတ်ပြီး ဆွေးနွေးသွားဖို့ရှိတယ်လို့ သိရပါတယ်။ သတင်းမီဒီယာများနဲ့မြန်မာနိုင်ငံသတင်းမီဒီယာကောင်စီရဲ့ မဏ္ဍိုင်လေးရပ်အလုပ်ရုံဆွေးနွေးပွဲအကြို ညှိနှိုင်းဆွေးနွေးပွဲမှာ ပြောသွားတာပါ။

မကြာသေးမီကာလတွေမှာ သတင်းပေးတဲ့သူတွေ အန္တရာယ် ဖြစ်ပွားခဲ့တဲ့ ကိစ်္စတွေရှိနေတဲ့အတွက် နေပြည်တော်မှာပြုလုပ်မယ့် အလုပ်ရုံဆွေးနွေးပွဲမှာ သတင်းပေး သူတွေရဲ့ လုံခြုံရေးအတွက်ကိုပါ မဏ္ဍိုင်(၃)ရပ်ကတာဝန်ရှိသူတွေနဲ့ ဆွေးနွေးသွားမယ်လို့ ပြောပါတယ်။မြန်မာနိုင်ငံသတင်း မီဒီယာကောင်စီအနေနဲ့ စံသတ်မှတ်ထားတဲ့လုပ်ငန်းစဉ်တွေနဲ့ပတ်သတ်ပြီး စာစောင်တွေ၊ ပိုစတာတွေထုတ်ဝေပြီးအသိပေးနေသလို မြန်မာသတင်းပညာသိပ်္ပံနဲ့ပူးပေါင်းပြီးသတင်းမီဒီယာသမားတွေရဲ့လုံခြုံရေးနဲ့ ပတ်သတ်တဲ့ သင်တန်းတွေပေးနေတယ်လို့သိရပါတယ်။ နေပြည်တော်မှာပြုလုပ်မယ့် အလုပ်ရုံဆွေးနွေးပွဲမှာ သတင်းမီဒီယာတွေနဲ့မဏ္ဍိုင်ကြီး (၃)ရပ်ကြားအပြန်အလှန်လေးစားမှုယုံကြည်မှုတွေကိုတည်ဆောက်နိုင်ဖို့ အတွက် အဓိကဆွေးနွေးသွားကြမယ်လို့လည်း သိရပါတယ်။ 

 

Related News