အမျိုးသားပြန်လည်သင့်မြတ်ရေးနဲ့ ပြည်ထောင်စုငြိမ်းချမ်းရေးအတွက်တိုင်းရင်းသားပြည်သူအားလုံး ၂၁ ရာစုပင်လုံကို မျက်မှောက်ပြုကြဖို့ နိုင်ငံတော်သမ္မတဦးထင်ကျော်က တိုက်တွန်းသွားပါတယ်။(၆၉) နှစ်မြောက် လွတ်လပ်ရေးနေ့အတွက်ပေးပို့တဲ့ နိုင်ငံတော်သမ္မတရဲ့ သ၀ဏ်လွှာမှာ ထည့်သွင်းတိုက်တွန်းသွားတာပါ။(၆၉) နှစ်မြောက် လွတ်လပ်ရေးနေ့အခမ်းအနားကို  နေပြည်တော်မှာ ဇန်န၀ါရီ ၄ ရက် မနက်မှာအလံတင်အခမ်းအနားပြုလုပ်ပြီး သမ္မတမှပေးပို့တဲ့ သ၀ဏ်လွှာကို ဒုတိယသမ္မတ ဦးမြင့်ဆွေက ဖတ်ကြားခဲ့တာပါ။

နိုင်ငံဖွံ့ဖြိုးရေးအတွက် ဆောင်ရွက်ရာမှာတောင်ပေါ်မြေပြန်၊ပြည်နယ်ပြည်မခွဲခြားခြင်းတွေ မပြုလုပ်ဘဲ ပြည်သူအားလုံးက အစိုးရ နဲ့ ပူးပေါင်းဆောင်ရွက်ဖို့လည်း သမတရဲ့သ၀ဏ်လွှာမှာ ဖော်ပြထားပါတယ်။ဒါ့အပြင် တိုင်းရင်းသားပြည်သူအားလုံးမျှော်မှန်းထားတဲ့ ဒီမိုကရေစီဖက်ဒရယ် ပြည်ထောင်စု တည်ဆောက်ရေးကလည်း မလွဲမသွေအောင်မြင်မယ်လို့ သ၀ဏ်လွှာမှာ ထည့်သွင်းဖော်ပြ ခဲ့ပါတယ်။ ၆၉ နှစ်မြောက်လွတ်လပ်ရေးနေ့အတွက် အမျိုးသားရေးဦးတည်ချက်အဖြစ် နိုင်ငံတော်အခြေပြု မိန့်ခွန်းမှာပါတဲ့ အချက်လေးချက်ကိုလည်းသတ်မှတ်ခဲ့ပါတယ်။

Related News