အလိုအလျောက်အကောက်ခွန်ရှင်းလင်းရေး မက်စ် (MACCS) စနစ်ကို ပြီးခဲ့တဲ့ (၂၀၁၆) နိုဝင်ဘာလအတွင်း စတင်အသုံးပြုခဲ့စဉ်က အခက်အခဲတွေရှိခဲ့ပေမယ့် ယခုတစ်လအကြာ မှာတော့ အဆင်ပြေချောမွေ့စွာ အသုံးပြုနိုင်ပြီးအောင်မြင်မှုရရှိနေပြီဖြစ်တယ်လို့ ဇန်န၀ါရီလ (၆) ရက် ကရန်ကုန်မြို့ ချက်ထရီယမ်ဟိုတယ်မှာ ပြုလုပ်တဲ့ မက်စ် (MACCS) စနစ် ဖွင့်ပွဲအခမ်းအနားက သိရပါတယ်။

အလိုအလျောက်အကောက်ခွန် ရှင်းလင်းရေး မက်စ်(MACCS)စနစ်ဟာ  သီလ၀ါစီးပွားရေး ဇုန်အပါအ၀င် ရန်ကုန်ဧရိယာအတွင်း ပင်လယ်ရေကြောင်း၊ လေကြောင်းကနေ ၀င်ရောက်လာတဲ့ ကုန်စည်တွေအတွက် အခွန်ကောက်ယူမှု လုပ်ငန်းတွေကို အွန်လိုင်းကနေလုပ်ဆောင်ရတာ ဖြစ်တယ်လို့ သိရပါတယ်။

ဒီစနစ်ကြောင့် အချိန်ကုန်၊ ငွေကုန်သက်သာသလို ကုန်သွယ်မှု လုပ်ငန်းလည်း ပိုမိုလွယ်ကူချောမွေ့လာတယ်လို့ သိရပါတယ်။ လက်ရှိမှာတော့ ဒီစနစ်ကိုရန်ကုန်ဧရိယာအတွင်းမှာသာ အသုံးပြုနိုင်ပြီး စနစ်ပိုမိုကျယ်ပြန့် လာရင်တော့ (၂၀၁၈)နောက်ပိုင်းမှာ နယ်စပ်ဒေသတွေကိုပါ တိုးချဲ့သွားမယ်လို့ သိရပါတယ်။

ဒီစနစ်အတွက် ဂျပန်အစိုးရရဲ့ ဘဏ္ဍာရေးအကူအညီ ဂျပန်ယန်းသန်းပေါင်း (၃၉၉၀)အပြင် မြန်မာအစိုးရဘက်ကလည်း ကျပ်သန်းပေါင်း (၅၈၀၀)ကျော် အသုံးပြုဆောင်ရွက်ခဲ့တယ်လို့ သိရပါတယ်။ 

 

 

Related News