ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေးကိုယ်စားလှယ် မစ္စယန်ဟီလီဟာ ဇန်န၀ါရီ ၈ ရက် ညပိုင်းက ရန်ကုန်အပြည်ပြည်ဆိုင်ရာ လေဆိပ်ကိုရောက်ရှိလာပြီး သူမရဲ့ မြန်မာနိုင်ငံ ခရီးစဉ်ကို စတင်လိုက်ပြီဖြစ်ပါတယ်။ မြန်မာနိုင်ငံဆိုင်ရာ လူ့အခွင့်အရေးအစီရင်ခံစာ တင်သွင်းနေသူ မစ္စယန်ဟီလီဟာ အခုတစ်ခေါက်နဲ့ဆို မြန်မာနိုင်ငံကိုလာရောက်တာ ငါးကြိမ်မြေက်ရှိပါပြီ။ အခုတစ်ခေါက် မြန်မာနိုင်ငံခရီးစဉ်မှာတော့ ဇန်န၀ါရီ ၉ ရက်ကနေ ဇန်န၀ါရီ ၂၁ ရက်အထိ ၁၃ ရက်လောက် ကြာမြင့်မှာပါ။ ကနဦးအစီအစဉ်တွေအရ ယန်ဟီလီအနေနဲ့ ခရီးစဉ်အတွင်း မြစ်ကြီးနားမှာ ကချင်ပြည်နယ်ဝန်ကြီးချုပ်နဲ့ တွေ့ဖို့ရှိသလို လိုင်ဇာ၊ ဖားကန့်ဒေသတွေကိုလည်း သွားမယ်လို့ သိရပါတယ်။

ဒါ့အပြင် နိုင်ငံတော်၏အတိုင်ပင်ခံပုဂ်္ဂိုလ် ဒေါ်အောင်ဆန်းစုကြည်နဲ့ တပ်မတော် ကာကွယ်ရေး ဦးစီးချုပ် အပါအ၀င် ရခိုင်ပြည်နယ်တည်ငြိမ်အေးချမ်းရေးနဲ့ ဖွံ့ဖြိုး တိုးတက်ရေး ကော်မတီ၊ ရခိုင်ပြည်နယ်စုံစမ်းစစ်ဆေးရေးကော်မရှင်နဲ့  ပြည်ထောင်စုရှေ့နေချုပ်တို့နဲ့လည်း သီးခြားစီ တွေ့ဆုံဖို့ ရှိပါတယ်။မစ္စယန်ဟီလီဟာ ပြီးခဲ့တဲ့၂၀၁၆ ဇွန်လ ကလည်း မြန်မာနိုင်ငံကို လာရောက်ခဲ့ပါတယ်။ အဲဒီတုန်းကလည်း ရခိုင်ပြည်နယ် စစ်တွေနဲ့ မောင်တောဒေသကို သွားခဲ့သလို အခုခရီးစဉ်မှာလည်း ရခိုင်ကိုသွားရောက်ပြီး လူ့အဖွဲ့အစည်း ၂ခုကြားအခြေအနေတွေကိုလေ့လာမယ်လို့ဆိုပါတယ်။

ရန်ကုန်မှာတော့ အင်းစိန်ထောင်ကိုသွားရောက်လေ့လာဖို့ အပါအ၀င် သတင်းမီဒီယာကောင်စီ၊ လူ့အခွင့်အရေး ကော်မရှင်တွေနဲ့လည်း တွေ့ဆုံဖို့ အစီအစဉ်တွေရှိနေပါတယ်။နောက်ဆုံး ဇန်န၀ါရီ (၂၁)ရက်မှာတော့ သတင်းစာရှင်းလင်းပွဲပြုလိုပ်ပြီး သူမရဲ့ခရီးစဉ်ကို အဆုံးသတ်မှာဖြစ်ပါတယ်။ပြီးခဲ့တဲ့နှစ် ယန်ဟီလီရဲ့ မြန်မာနိုင်ငံခရီးစဉ်မှာတော့ ဒေသခံတစ်ချို့ရဲ့ ကန့်ကွက်တာတွေလည်း ခံခဲ့ရပါသေးတယ်။

Related News