မြန်မာနိုင်ငံမှာ မြေမြုပ်မိုင်းအန္တရာယ်တွေကြောင့် သုံးရက်လျှင်လူတစ်ဦးနှုန်း ထိခိုက်ဒဏ်ရာ ရနေတယ်လို့ လူမှုဝန်ထမ်းကယ်ဆယ်ရေးနှင့်ပြန်လည်နေရာ ထားရေးဝန်ကြီးဌာနရဲ့ ထုတ်ပြန်ချက်အရ သိရပါတယ်။ ပြည်တွင်းမှာ မြေမြုပ်မိုင်းအန္တရာယ်ခံစားနေရတာတွေနဲ့ ပက်သက်ပြီး ဧပြီလ ၄ ရက်က နေပြည်တော်မှာရှိတဲ့ မင်္ဂလာသိရီဟိုတယ်မှာကျင်းပခဲ့တဲ့ အပြည်ပြည်ဆိုင်ရာ မိုင်းအန္တရာယ် အသိပညာပေးရေးနှင့် မိုင်းဆိုင်ရာအကူအညီပေးရေးနေ့ အခမ်းအနားမှ သိရတာပါ။  

မြန်မာနိုင်ငံမှာ မြေမြုပ်မိုင်းအန္တရာယ်ကြောင့် နှစ်နှစ်အတွင်း ထိခိုက်နစ်နာသူပေါင်း ၂၉၈ဦးအထိ ရှိခဲ့တာဖြစ်ပြီး ပျှမ်းမျှတွက်ချက်ထားချက်တွေအရ သုံးရက်အတွင်း တစ်ဦးနှုန်းထိခိုက် ဒဏ်ရာ ရနေတယ်လို့ သိရပါတယ်။ အဲဒီထိခိုက်ဒဏ်ရာရသူတွေထဲက လူလေးဦးလျှင် တစ်ဦးနှုန်း အသက်ဆုံးရှုံးနေတယ်လို့ သိရပါတယ်။ ဒါ့အပြင် အခုအစီရင်ခံစာမှာ ကလေးငယ်များနဲ့ပက်သက်တဲ့ အစီရင်ခံစာတစ်ခုလည်း ပါဝင်ပြီး ဒဏ်ရာရရှိသူတွေထဲက လူသုံးဦးလျှင်တစ်ဦးနှုန်းမှာကလေး တွေဖြစ်နေတယ်လို့ သိရပါတယ်။

အခုထုတ်ပြန်ချက်ကို လူမှုဝန်ထမ်းကယ်ဆယ်ရေးနှင့်ပြန်လည်နေရာချထားရေး ၀န်ကြီးဌာန၊ ယူနီဆက်နဲ့ မိုင်းအန္တရာယ်တားဆီးကာကွယ်ရေးလုပ်ငန်းအဖွဲ့ (MRWG) တို့ ပူးပေါင်းလုပ်ဆောင် ခဲ့တာဖြစ်ပြီး ပြည်တွင်းက တိုင်းဒေသကြီးနဲ့ ပြည်နယ် ၉ခုမှာ မြေမြုပ်မိုင်းနဲ့ စစ်ကျန်ပေါက်ကွဲ စေနိုင်တဲ့ ပစ္စည်းတွေကြောင့် လူပေါင်း ၁၁၅၀၀၀ ကို အသက်ကယ်တင်နိုင်မဲ့ အသိပညာပေးရေး အစီအစဉ်ကိုလည်း ပူးပေါင်းလုပ်ဆောင်သွားမယ်လို့ သိရပါတယ်။

 

 

Related News