ပြည်တွင်းမှာ လက်ရှိဆောင်ရွက်နေတဲ့ ငြိမ်းချမ်းရေးလုပ်ငန်းစဉ်တွေမှာ စီးပွားရေး လုပ်ငန်းရှင်တွေအနေနဲ့ ပါဝင်ကူညီနိုင်ဖို့အတွက် ကတိက၀တ်ပြုလက်မှတ်ရေးထိုးလိုက်တယ်လို့ သိရပါတယ်။ငြိမ်းချမ်းရေးအတွက် စီးပွားရေးဆိုတဲ့ခေါင်းစဉ်နဲ့ ဧပြီလ(၄)ရက်မှာ ပြုလုပ်တဲ့ ဟောပြောပွဲမှာ လက်မှတ်ရေးထိုးလိုက်တာပါ။  ငြိမ်းချမ်းရေး ကော်မရှင်ဥက္ကဋ္ဌဒေါက်တာတင်မျိုးဝင်း၊ ငြိမ်းချမ်းရေးကော်မရှင်အဖွဲ့ဝင် စီးပွားရေးပညာရှင် ဒေါက်တာအောင်ထွန်းသက်နဲ့ ကုန်သည်စက်မှု အသင်းချုပ်ဥက္ကဋ္ဌ ဦးဇော်မင်းဝင်းတို့ကလက်မှတ်ရေးထိုးလိုက်တာ ဖြစ်ပါတယ်။

 နိုင်ငံတော်၏အတိုင်ပင်ခံပုဂ္ဂိုလ်ရဲ့ပြောကြားချက်ကြောင့် အခုလို လက်မှတ်ရေးထိုးစတင် ဆောင်ရွက်တာဖြစ်တယ်လို့ သိရပြီး စီးပွားရေးလုပ်ငန်းရှင်တွေက ငြိမ်းချမ်းရေးကဏ္ဍမှာ ပါဝင်ဆောင်ရွက်သွားမယ့်အကြောင်းကိုလည်း စတင်မိတ်ဆက်တာဖြစ်တယ်လို့လည်း သိရပါတယ်။ စီးပွားရေး လုပ်ငန်းရှင်တွေအနေနဲ့ မကြာသေးမီ အချိန်တွေကတည်းက နယ်စပ်ဒေသတွေမှာ အထည်ချုပ် သင်ပေးတာလိုမျိုးတွေ လုပ်ဆောင်နေပြီဖြစ်တယ်လို့လည်း ဆိုပါတယ်။ အစိုးရတာဝန်ရှိသူတွေနဲ့စီးပွားရေးလုပ်ငန်းရှင်တွေဟာ ငြိမ်းချမ်းရေးကို လိုအပ်နေတဲ့ ဒေသတစ်ခုချင်းစီရဲ့ လိုအပ်ချက်တွေကို ဘယ်လိုဖြည့်ဆည်းပေးနိုင်မလဲဆိုတာကို မကြာခင်မှာ စတင်လုပ်ဆောင်တော့မယ်လို့လည်းသိ ရပါတယ်။

 

 

Related News