အစိုးရသစ်ရဲ့ ပထမတစ်နှစ်တာကာလအတွင်း ပြုပြင်ဆောင်ရွက်ခဲ့မှုတွေနဲ့ ပတ်သက်လို့ ၀န်ကြီးဌာနအလိုက် သတင်းစာရှင်းလင်းပွဲတွေကို ဧပြီလ(၄)ရက်နေ့က စတင်ပြုလုပ်ခဲ့တယ်လို့သိရပါတယ်။ အစိုးရဌာနတွေအလိုက် ရှင်းလင်းတာကို နေပြည်တော်က ပြန်ကြားရေး ၀န်ကြီးဌာန ရုံးမှာ ပထမဆုံးအဖြစ် ပြည်ထောင်စုတရားလွှတ်တော်ချုပ်ရုံးကစတင်ကာ တစ်နှစ်အတွင်း ပြုပြင် ပြောင်းလဲခဲ့တာတွေနဲ့ ပတ်သက်ပြီး သတင်းမီဒီယာတွေကို စတင်ရှင်းလင်းခဲ့ပါတယ်။ ရှင်းလင်းတာတွေကို ဧပြီလ(၆)ရက်မှာ နိုင်ငံခြားရေးဝန်ကြီးဌာန၊ နယ်စပ်ရေးရာဝန်ကြီးဌာန၊ လျှပ်စစ်နှင့်စွမ်းအင်ဝန်ကြီးဌာန၊ ဧပြီလ(၁၀)ရက်မှာ ပြည်ထဲရေးဝန်ကြီးဌာန၊ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ ဆောက်လုပ်ရေးဝန်ကြီးဌာန၊ လူမှုဝန်ထမ်းကယ်ဆယ်ရေးနှင့် ပြန်လည် နေရာချထားရေးဝန်ကြီးဌာန၊ ဧပြီလ(၂၄)ရက်မှာတော့စိုက်ပျိုးရေး မွေးမြူရေးနှင့် ဆည်မြောင်း ၀န်ကြီးဌာန၊ သယံဇာတနှင့်သဘာဝပတ်ဝန်းကျင်ထိန်းသိမ်းရေးဝန်ကြီးဌာန၊ စီမံကိန်းနှင့် ဘဏ္ဍာရေးဝန်ကြီးဌာနနဲ့ ဧပြီလ(၂၆)ရက်မှာတော့ ပြန်ကြားရေးဝန်ကြီးဌာန၊ စက်မှုဝန်ကြီးဌာန၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနဲ့ ပညာရေးဝန်ကြီးဌာနတို့က ရှင်းလင်းမယ်လို့ သိရပါတယ်။  

ဧပြီလ(၂၈)ရက်မှာတော့ နိုင်ငံတော် အတိုင်ပင်ခံရုံး ၀န်ကြီးဌာန၊ သာသနာရေးနှင့် ယဉ်ကျေးမှုဝန်ကြီးဌာန၊ ကျန်းမာရေးနှင့် အားကစားဝန်ကြီးဌာန၊ ဟိုတယ်နှင့် ခရီးသွားလာရေး ၀န်ကြီးဌာန၊ တိုင်းရင်းသားလူမျိုးများရေးရာ ၀န်ကြီးဌာနတို့ဖြစ်ပြီး မေလ(၂)ရက်မှာတော့ ကာကွယ်ရေးဝန်ကြီးဌာန၊ အလုပ်သမား၊ လူဝင်မှုကြီးကြပ်ရေးနှင့်ပြည်သူ့အင်အား ၀န်ကြီးဌာန၊ နေပြည်တော်ကောင်စီ၊ မြန်မာနိုင်ငံတော်ဗဟိုဘဏ်တို့က ရှင်းလင်းကြမှာဖြစ်ပြီး နောက်ဆုံးနေ့အဖြစ် မေလ(၄)ရက်နေ့မှာ ပြည်ထောင်စုရှေ့နေချုပ်ရုံး၊ ပြည်ထောင်စု စာရင်းစစ်ချုပ် ရုံးနဲ့ ပြည်ထောင်စု ရာထူးဝန်အဖွဲ့တို့က ရှင်းလင်းကြမယ်လို့ သိရပါတယ်။ 

 

 

Related News