လာမယ့် မေလမှာ အမျိုးသားပတ်ဝန်းကျင်ရေးရာ မဟာဗျူဟာကို အပြီးသတ် ချမှတ်နိုင်ဖို့အတွက် သဘာဝပတ်ဝန်းကျင်ထိန်းသိမ်းမှု၊ လက်ရှိဖြစ်ပွားနေမှုအခြေအနေတွေကို အထက်မြန်မာပြည်က အဖွဲ့အစည်းအသီးသီးကနေ အကြံပြုဆွေးနွေးမှုတွေ ပြုလုပ်ခဲ့ကြပါတယ်။ ဒီအမျိုးသား ပတ်ဝန်းကျင်ရေးရာ မဟာဗျူဟာမူဘောင်ဆိုင်ရာ အကြံပြုဆွေးနွေးခြင်း အလုပ်ရုံဆွေးနွေးပွဲကို ဧပြီလ ၆ က မန္တလေးဟိုတယ်မှာ ကျင်းပခဲ့တာလည်း ဖြစ်ပါတယ်။

သဘာဝပတ်ဝန်းကျင်ထိန်းသိမ်းရေးနဲ့ ဖွံ့ဖြိုးရေးဟန်ချက်ညီညီသွားနိုင်မယ့် အမျိုးသား ပတ်ဝန်းကျင်ရေးရာ မဟာဗျူဟာချမှတ်နိုင်ရေးအတွက် ကချင်ပြည်နယ်၊ ချင်းပြည်နယ်၊ စစ်ကိုင်းတိုင်းဒေသကြီးနဲ့ မကွေးတိုင်းဒေသကြီးတို့က ဌာနဆိုင်ရာတွေ၊(UNDP)နဲ့ ဌာနဆိုင်ရာ အသီးသီးက ကိုယ်စားလှယ်တွေ၊ အစိုးရမဟုတ်တဲ့ အဖွဲ့အစည်းအတွေ တက်ရောက် ဆွေးနွေးခဲ့ကြပါတယ်။ 

အမျိုးသားပတ်ဝန်းကျင်ရေးရာ မဟာဗျူဟာမူဘောင်ချမှတ်ဖို့ ဇီဝမျိုးစုံမျိုးကွဲ ထိန်းသိမ်း စောင့်ရှောက်မှု၊ မြေအသုံးချမှုနဲ့ မြေအသုံးချစီမံချက်ရေးဆွဲမှု၊ အဏ္ဍ၀ါနဲ့ကမ်းရိုးတန်း ဂေဟစနစ်တွေ၊ ရေအရင်းအမြစ်နဲ့ မြစ်ဝှမ်းများကျန်းမာရေး၊ လေအရည်အသွေး၊ စွမ်အင်၊ စွန့်ပစ်ပစ္စည်းစီမံခန့်ခွဲရေး၊ယဉ်ကျေးမှုနဲ့သဘာဝအမွေအနှစ်စတဲ့ အဓိကနယ်ပယ် ၁၁ မျိုးခွဲခြားပြီး ဆွေးနွေးအကြံပြုချက် တွေကို ပြည်နယ်နဲ့တိုင်း နေရာဒေသအလိုက် ပြုလုပ်ခဲ့ကြတာလည်း ဖြစ်ပါတယ်။

ဒါ့အပြင် ပတ်ဝန်းကျင်စီမံအုပ်ချုပ်မှုစနစ်တွေမှာ ပတ်ဝန်းကျင်လေ့လာဆန်းစစ်မှုတွေ၊ စောင့်ကြည့်စစ်ဆေး လိုက်နာဆောင်ရွက်ခြင်းနဲ့အတူ ဥပဒေသက်ရောက်မှုတွေ၊ စက်မှုဇုန် ပတ်ဝန်းကျင်စီမံခန့်ကွဲခြင်းတွေ၊ ပြည်သူ ပူးပေါင်းပါဝင်ပြီး သတင်းအချက်အလက် လက်လှမ်း မီစေခြင်းစတဲ့ အချက်အလက်တွေကိုလည်း အကြံပြုဆွေးနွေးမှုတွေ ပြုလုပ်ခဲ့ကြပါတယ်။

 

 

Related News