အီရန်သမ္မတ ဟတ်ဆန်ရိုဟန်နီက ဆီးရီးယားနိုင်ငံပေါ် တိုက်ခိုက်မှု စတင်လုပ်ဆောင်ဖို့ အမေရိကန်သမ္မတ ဒေါ်နယ်ထရမ့်ရဲ့ဆုံးဖြတ်ချက်ကို ပြစ်တင်ပြောဆိုလိုက်ပါတယ်။ ဆီးရီးယားနိုင်ငံက သူပုန်တွေခြေကုတ်ယူထားတဲ့  ခန်ရှိတ်ဟောင်မြို့မှာ သေသခံအရပ်သားတွေ အပါအ၀င်လူပေါင်း (၈၀)နီးပါးသေဆုံးမှုဖြစ်တဲ့ ဓာတုလက်နက်သုံးတိုက်ခိုက်မှုလို့ သံသယရှိတဲ့ တိုက်ခိုက်မှုဟာ အမှတ်တကယ်ဓာတုလက်နက်တိုက်ခိုက်မှု ဖြစ်သလားဆိုတာကို စုံစမ်းမှုလုပ်ဖို့ အီရန်သမ္မတ ရိုဟန်နီကတောင်းဆိုလိုက်ပါတယ်။ ဒါ့အပြင် တိုက်ခိုက်မှုနဲ့ပတ်သက်လို့ အမေရိကန်ရဲ့ ဆီးရီးယားလေတပ်စခန်းတစ်ခုပေါ်ဒုံးကျည်းအမြောက်အများပစ်လွှတ် တုံ့ပြန်မှုဟာ တကယ်ကို အခြေအမြစ်မရှိတဲ့ အပြုအမူဖြစ်တယ်လို့ သမ္မတ ရိုဟန်နီကပြောထားပြီး ခြောက်နှစ်ကြာနေပြီဖြစ်တဲ့ ဆီးရီးယားပြည်တွင်းစစ်ဟာ တဖြည်းဖြည်းနဲ့ပိုပြီးအရှိန်ပြင်းထန်နေတယ်လို့ သမ္မတက သတိပေး ပြောဆိုလိုက်ပါတယ်။ အမေရိကန်ကပစ်လွှတ်လိုက်တဲ့ ဒုံးကျည်တွေဟာ  ဓာတုလက်နက်တိုက်ခိုက်မှု စပစ်တဲ့နေရာလို့ အမေရိကန်ဘက်က ယူဆထားတဲ့ ဆီးရီးယားလေတပ်စခန်းတစ်ခုကို ပစ်လွှတ်ခဲ့တာဖြစ်ပါတယ်။ 

 

Related News