နေပြည်တော်မှာ တည်ဆောက်ပြီးစီးခဲ့တဲ့ မြို့နယ်တရာရုံးတွေအနက် ခုနှစ်ခုမြောက်ဖြစ်တဲ့ ဒက္ခိဏသီရိမြို့နယ် တရားရုံးကို တရားဝင်စတင်ဖွင့်လှစ်လိုက်ပြီလို့ သိရပါတယ်။ ဒက္ခိဏသီရိမြို့နယ် တရားရုံးကိုဧပြီလ ၁၁ ရက်က ပြည်ထောင်စု တရားလွှတ်တော်ချုပ်က တာဝန်ရှိသူတွေတက်ရောက်ဖွင့်လှစ်ပေးခဲ့ပြီး တရားရုံးသစ်ကို (၂၀၁၆-၂၀၁၇)ဘဏ္ဍာနှစ် ပြည်ထောင်စု တရားလွှတ်တော်ချုပ်ရဲ့ ခွင့်ပြုရံပုံငွေနဲ့တည်ဆောက်ခဲ့တယ်လို့ သိရပါတယ်။ 

တရားရုံးအသစ်ကို ဆဋ္ဌဂံမြန်မာဆောက်လုပ်ရေးကုမ္ပဏီက ပြီးခဲ့တဲ့ (၂၀၁၆)ဇွန်လက စတင် တည်ဆောက်ခဲ့တာဖြစ်ပြီး မြေဧက (၁ ဒဿမ ၅)ဧကအကျယ်ပေါ်မှာ တည်ဆောက် ထားတာပါ။ အခုတရားရုံးအသစ်မှာ တရားခွင်(၅)ခု အပါအ၀င်သက်သေ ပစ္စည်းထိန်းသိမ်းခန်းတွေ သက်သေနားနေဆောင်တွေ၊ မီဒီယာတွေ့ဆုံခန်းတွေနဲ့ အချုပ်ခန်းတွေ၊ အစည်းဝေးခန်းတွေ၊ ရှေ့နေနားနေခန်းတွေပါ ပါဝင်တယ်လို့ သိရပါတယ်။ 

ယခုဖွင့်လှစ်လိုက်တဲ့ ဒက္ခိဏသီရိမြို့နယ် တရားရုံးဟာ နေပြည်တော်မှာရှိတဲ့ မြို့နယ်၈ခုအနက် (၇)ခု မြောက်ဖွင့်လှစ်ခဲ့တဲ့တရားရုံးဖြစ်ကာ တရားဥပဒေစိုးမိုးရေးအတွက် အထောက်အကူအများကြီး ဖြစ်မယ်လို့ ပြည်ထောင်စုတရားလွှတ်တော်ချုပ်ရုံးမှ သိရပါတယ်။ 

 

 

 

 

Related News