ဗြိတိန်ဝန်ကြီးချုပ် ထရီဆာ မေ အဆိုပြုထားတဲ့ ဇွန်လ ၈ ရက်မှာ ရွေးကောက်ပွဲစောကျင်းပမယ့်အစီအစဉ်ကို ဗြိတိန် လွှတ်တော်အမတ်တွေက ထောက်ခံလိုက်ပြီဖြစ်ပါတယ်။ သီတင်းပတ် ၇ ပတ်ကာလအတွင်း ရွေးကောက်ပွဲ စောကျင်းပဖို့ တောင်းဆိုတာဟာ ဗြိတိန်ခွဲထွက်ရေးလုပ်ငန်းစဉ်ကို ဥရောပသမဂ္ဂနဲ့ညှိနှိုင်းဆွေးနွေးမှုမတိုင်ခင်မှာ လွှတ်တော်အတွင်း စည်းလုံး မှုကို အထောက်အကူဖြစ်စေဖို့နဲ့ မတည်ငြိမ်မှုတွေကို ကာကွယ်ဖို့ဖြစ်တယ်လို့ ၀န်ကြီးချုပ် ထရီဆာမေ ကပြောပါတယ်။ ၀န်ကြီးချုပ်ရဲ့အဆိုကို လွှတ်တော်အမတ် ၅၀၀ ကျော်က ထောက်ခံခဲ့ပြီး ၁၃ ဦးက ကန့်ကွက်မဲပေးခဲ့ကာ ကြားနေမဲ ၁၀၀ ရှိခဲ့ပါတယ်။

ဝန်ကြီးချုပ် မေကတော့ ဗြိတိန်ပြည်သူတွေအနေနဲ့ သူမနဲ့ကွန်ဆာဗေးတစ်ပါတီကို ယုံကြည်ပေးဖို့ တောင်းဆိုလိုပြီး ဒါမှသာ အနာဂတ်မှာ ပိုမိုခိုင်မာတောင့်တင်းပြီး တန်းတူညီမျှဖြစ်စေမယ့် ဗြိတိန်နိုင်ငံဖြစ်လာဖို့ရည်ရွယ်ခဲ့တဲ့ အီးယူကနေ ဗြိတိန်ခွဲထွက်ရေးမဲပေးထားမှုကို အကောင်အထည် ဖော်သွားနိုင်မှာဖြစ်တယ်လို့ ၀န်ကြီးချုပ်က လွှတ်တော်တွင်း မဲခွဲဆုံးဖြတ်မှု မတိုင်ခင်မှာ ပြောထားပါတယ်။

ရွေးကောက်ပွဲမတိုင်ခင်မှာ ရုပ်သံကနေ အခြေအတင်ဆွေးနွေးဖုိ့ တောင်းဆိုမှုတွေ ရှိနေပေမဲ့ ၀န်ကြီးချုပ်မေကတော့ ငြင်းဆိုထားပါတယ်။ ရွေးကောက်ပွဲစောကျင်းပဖို့ကို အတိုက်အခံလေဘာပါတီဘက်က ထောက်ခံထားပေမဲ့ ဗြိတိန်လူထုအနေနဲ့ ၀န်ကြီးချုပ်မေကို ဘယ်လိုယုံကြည်နိုင်မလဲဆိုတာကို လေဘာပါတီခေါင်းဆောင် “ဂျယ်ရမီ ကိုဘင်”က မေးခွန်းထုတ်ထားပါတယ်။ ၀န်ကြီးချုပ်မေဟာ ၂၀၂၀ မတိုင်ခင်အထိ ရွေးကောက်ပွဲစောပြီး ကျင်းပမှာ မဟုတ်ဘူးလို့ အစောပိုင်းမှာပြောခဲ့ပါတယ်။ 

 

 

Related News