အွန်လိုင်းစနစ်နဲ့ လိုင်စင်လျှောက်ထားမှုကို ခွင့်ပြုခဲ့တာဟာ တစ်နှစ်တာကာလ ရောက်ရှိ တော့မှာ ဖြစ်ပေမယ့် အခုထိ ဟိုတယ်နှင့်ခရီးသွားလုပ်ငန်းလိုင်စင်တွေကို အွန်လိုင်းစနစ်နဲ့ လျှောက်ထားမှုက မရှိသလောက် နည်းနေသေးတယ်လို့ သိရပါတယ်။ ဟိုတယ်နှင့်ခရီးသွားလာရေးဝန်ကြီးဌာန၊ဟိုတယ်နှင့်ခရီးသွားညွှန်ကြားမှုဦးစီးဌာန အနေနဲ့ ဟိုတယ်နှင့် တည်းခိုရိပ်သာလုပ်ငန်းလိုင်စင် ၊ ခရီးလှည့်လည်ရေး လုပ်ငန်းလိုင်စင်၊ ခရီးသွား လာသူများ ပို့ဆောင်ရေးလုပ်ငန်းလိုင်စင် ၊ ဧည့်လမ်းညွှန်လုပ်ငန်း လိုင်စင်လျှောက်ထား မှုတွေကို အွန်လိုင်းစနစ်နဲ့ ၂၀၁၆ ခုနှစ် ဇူလိုင်လ (၁)ရက်နေ့စတင်ဆောင်ရွက်ခဲ့ပါတယ်။ ဒီလို အွန်လိုင်း စနစ်ကို ဆောင်ရွက်ခဲ့တာ ၂၀၁၆ ခုနှစ်ကဆိုရင် အွန်လိုင်းကနေလိုင်စင် လျှောက်ထား မှုဟာ (၁၅) ခုလောက်ဘဲရှိခဲ့ပြီး အခုနှစ်မှာတော့ မရှိသလောက် နည်းနေတယ်လို့ ဟိုတယ်နှင့် ခရီးသွား လာရေးဝန်ကြီးဌာနက သိရပါတယ်။
 
အွန်လိုင်းစနစ်နဲ့ လိုင်စင်လျှောက်တဲ့အခါမှာ လုပ်ငန်းလိုင်စင်အတွက် အထောက်အထား သက်သေ ခိုင်လုံမှုအချက်အလက်တွေကို ဖြည့်ရတဲ့အတွက် အွန်လိုင်းနဲ့ဆိုရင် အခက်အခဲတွေရှိ နေပေမယ့် ဒီအချက်အလက်တွေကိုတော့ ဖြေလျော့ပေးလို့မရဘူးလို့ သိရပါတယ်။ နည်းပညာပိုင်းနဲ့ ပတ်သက်ရင်တော့ ကျွမ်းကျင်ပညာရှင်တွေနဲ့တိုင်ပင်ပြီး လွယ်ကူမြန်ဆန်စွာလိုင်စင်လုပ်နိုင်ဖို့အတွက် ဆောင်ရွက်မယ်လို့ သိရပါတယ်။ အွန်လိုင်းစနစ်နဲ့ ဟိုတယ်နှင့်ခရီးသွားလုပ်ငန်း လိုင်စင်တွေလျှောက်ထားမှုဟာနည်းပေမယ့် အမြန်ချောပို့ စနစ် ၊ လူကိုယ်တိုင်လာရောက်လျှောက်ထားမှုစနစ်တွေကတော့ များတယ်လို့ သိရပါတယ်။ အွန်လိုင်းစနစ်ကို လုပ်ငန်းရှင်တွေပိုမိုတွင်ကျယ်အောင်အသုံးပြုလာဖို့ အတွက်လည်း ဟိုတယ်နှင့်ခရီး သွားလာရေးဝန်ကြီးဌာနအနေနဲ့ ဒီအခက်အခဲတွေနဲ ပတ်သက်ပြီး ဆွေးနွေးတာတွေ လုပ်ပြီး ပြင်ဆင်ပြီးရင်တော့ ၀န်ကြီးဌာနရဲ့တရားဝင် လူမှုကွန်ယက်စာမျက်နှာကနေ ထုတ်ပြန်သွားမယ်လို့ သိရပါတယ်။
 
 

Related News