ရန်ကုန်တိုင်းဒေသကြီးအတွင်း မှုခင်းကျဆင်းရေးအတွက် ရဲတပ်ဖွဲ့ဝင်အင်အားကို ဖွဲ့စည်းပုံမှာ သတ်မှတ်ထားတဲ့ အင်အားရဲ့(၇၇)ရာခိုင်နှုန်းကျော်အထိ အသုံးပြုထားတယ်လို့ ပြည်ထဲရေး ၀န်ကြီးဌာနမှ သိရပါတယ်။ မှုခင်းကိစ္စရပ်တွေနဲ့ပတ်သက်ပြီး ပြည်သူတွေအတွက် လုံခြုံရေးနဲ့ တရာဥပဒေစိုးမိုးရေး လုပ်ငန်းတွေမှာ အစီအစဉ်တွေ ချမှတ်ထားမှုနဲ့ပတ်သက်ပြီး ဇွန်လ၂၁ရက်ကပြုလုပ်ခဲ့တဲ့ ဒုတိယအကြိမ် အမျိုးသားလွှတ်တော် ပဉ္စမပုံမှန်အစည်းအဝေးမှာ ရန်ကုန်တိုင်းဒေသကြီး မဲဆန္ဒနယ်အမှတ်(၁၀)က နော်လှလှစိုး မေးမြန်းခဲ့တာကို ပြည်ထဲရေးဝန်ကြီးဌာနက ထည့်သွင်း ပြန်လည်ဖြေကြားခဲ့တာပါ။ရန်ကုန်တိုင်းဒေသကြီးအတွင်း မှုခင်းဖြစ်ပွားမှုလျော့နည်းရေးအတွက် ရဲတပ်ဖွဲ့ဝင်အင်အားကို တိုးမြှင့်ချထားခဲ့ရာ ယခုနှစ်မေလအထိ အမှုကြီးဆယ်မျိုး အနက် အမှုပေါင်း (၆၆၆)မှု ဖြစ်ပွားခဲ့ပြီး ၅၄၉ မှုကို ဖမ်းဆီး တရားစွဲဆိုနိုင်ခဲ့ကာ ၁၅မှုပိတ်သိမ်းခဲ့ပြီး လက်ကျန်၁၀၂မှု ရှိတယ်လို့ သိရပါတယ်။
 
အခြားအမှု (၁၀)မျိုးဖြစ်ပွားမှု အနေနဲ့ ၂၁၅၀၅ မှု ဖြစ်ပွားခဲ့ပြီး ၁၅၀၄၆ မှုကိုဖမ်းဆီး တရားစွဲဆိုနှိုင်ခဲ့ကာ ၁၅၅၀ကျော်ကိုတော့ အမှုပိတ်သိမ်းနှုိင်ခဲ့ပြီး လက်ကျန်အမှုအနေနဲ့ ၄၉၀၈ မှုသာရှိတယ်လို့ သိရပါတယ်။ ဒါ့အပြင်ကြိုတင်ကာကွယ် မှု(၁၀)မျိုးအနေနဲ့ ၆၂၉၈၀ မှုဖြစ်ပွားခဲ့ပြီး ၆၁၇၅၀ ကျော်ကို တရားစွဲဆိုနှိုင်ခဲ့ကာ ၂၄၀ကျော် အမှုပိတ်သိမ်းခဲ့ပြီး လက်ကျန်အနေနဲ့ ၉၀၀ကျော် ကျန်တော့တယ်လို့ သိရပါတယ်။တရားခံပြေး ဖမ်းဆီးရရှိမှုအနေနဲ့လည်း ယခုနှစ်အတွက်မေလအထိ ၉၅၆ဦး ကို ဖမ်းဆီးထားနိုင်တယ်လို့ သိရပါတယ်။ ရန်ကုန်တိုင်းဒေသကြီးအတွင်း မှုခင်းကျဆင်းရေး၊ လုံခြုံရေးနဲ့တရားဥပဒေစိုးမိုးရေးအတွက် ယခုနှစ် မတ်လ ၁ ရက်မှစတင်ကာ စွန်ရဲစီမံချက်ကို ဆောင်ရွက်လျက်ရှိပြီး ရပ်ရွာအခြေပြု ရဲလုပ်ငန်းကို လည်း အကောင်အထည်ဖော်နေတယ်လို့ သိရပါတယ်။ 
 
 

Related News