ရန်ကုန်က သင်တန်းဆင်းနယ်ထိန်းတပ်ဖွဲ့ဝင်တွေရဲ့ လုပ်ငန်းခွင်အရည်အသွေးကို ပြန်လည်ဆန်းစစ်မယ်လို့ ရန်ကုန်တိုင်း ဒေသကြီးရဲတပ်ဖွဲ့က ပြောကြားလိုက်တာပါ။ ရန်ကုန်တိုင်းဒေသကြီးအတွင်းက မြို့နယ်အသီးသီးမှာ တာဝန်ထမ်းဆောင်နေတဲ့ နယ်ထိန်း တွေကို နယ်ထိန်း(အခြားအဆင့်) လုပ်ငန်းခွင်(မွန်းမံ)သင်တန်း၊ အမှတ်စဉ် ၁/၂၀၁၇ သင်တန်းပေးခဲ့ပြီး ဇွန် (၂၃)ရက်က သင်တန်းဆင်းပွဲ အခမ်းအနားမိန့်ခွန်းမှာ  ရန်ကုန်တိုင်း ဒေသကြီးရဲတပ်ဖွဲ့မှူး ရဲမှူးချုပ်ဝင်းနိုင်က ထည့်သွင်းပြောကြား လိုက်တာလည်း ဖြစ်ပါတယ်။ လက်ရှိမွမ်းမံသင်တန်း တတ်ရောက်ပြီးတဲ့ နယ်ထိန်းတပ်ဖွဲ့ဝင်ရဲ့ လုပ်ငန်းခွင်အရည်အသွေး တိုးတက်မှုရှိ၊ မရှိကို တစ်လအတွင်း မြို့နယ်ရဲမှူးတွေက အကဲခတ်ကာ တိုင်းရဲတပ်ဖွဲ့ထံတင်ပြပေး စေပြီး တာဝန်ပေးသင့် မပေးသင့်ကို သုံးသပ်သွားမယ်လို့လည်းဆိုပါတယ်။
 
ဒီမွမ်းမံသင်တန်းမှာ ကြိုတင်ကာကွယ်ရေးလုပ်ငန်းတွေ၊ နယ်ထိန်းလုပ်ငန်းခွင်သဘော တရားတွေ၊ ဥပဒေလုပ်ထုံးလုပ်နည်းတွေ၊ လက်တွေ့ဘ၀တွေ့ရှိချက်တွေ၊ ပြည်သူတွေနဲ့ထိတွေ့ ဆက်ဆံတာတွေ စတာတွေကို သင်ကြားပေးခဲ့တယ်လို့လည်း 
သိရပါတယ်။ ဒီသင်တန်းမှာ ရန်ကုန်တိုင်းဒေသကြီးအတွင်းရှိ ခရိုင်တစ်ခရိုင်ကို တပ်ဖွဲ့ဝင် (၅)ရောက်နှုန်းနဲ့ ခရိုင်(၄)ခုမှာ ဖွင့်လှစ်သင်ကြားပေးခဲ့တာဖြစ်ပြီး နောက်အပတ်စဉ်မှာ တပ်ဖွဲ့ဝင်(၆၀)ကို သင်ကြားသွားမယ်လို့လည်း သိရပါတယ်။ ဒါ့အပြင် လှော်ကားမှာရှိတဲ့ ရဲအကြပ်အတတ်သင် ကျောင်းမှာ  မြန်မာနိုင်ငံရဲတပ်ဖွဲ့က သင်ကြားပေးနေတဲ့ နယ်ထိန်းအခြား အဆင့် သင်တန်းကို ရန်ကုန်တိုင်းဒေသကြီးရဲတပ်ဖွဲ့က နယ်ထိန်းနဲ့ အခြားအဆင့်တပ်ဖွဲ့ဝင် (၁၀၀)ဦး လစေလွှတ်ထား တယ်လို့ သိရပါတယ်။
 
 

Related News