ရန်ကုန်တိုင်းဒေသကြီး အပါအ၀င် တပ်မတော်သားတိုင်းဒေသကြီးလွှတ်တော် (သို့မဟုတ်) ပြည်နယ်လွှတ်တော်ကိုယ်စားလှယ်(၇)ဦးကို အစားထိုးပြောင်းလဲကြောင်း ပြည်ထောင်စု ရွေးကောက်ပွဲ ကော်မရှင်က ကြေညာချက်အမှတ် ၁၅/၂၀၁၇ ဖြင့် ဇွန်လ(၂၉)ရက်က ထုတ်ပြန် ကြေညာထား ပါတယ်။
 
၂၀၁၅ ခုနှစ်၊ နိုဝင်ဘာလ ၈ရက်တွင် ကျင်းပခဲ့တဲ့ ဒုတိယအကြိမ်ပါတီစုံ ဒီမိုကရေစီ  အထွေထွေရွေးကောက်ပွဲတွင် တပ်မတော်ကာကွယ်ရေးဦးစီးချုပ်က အမည်စာရင်းတင်သွင်းထားတဲ့ တပ်မတော်သား တိုင်းဒေသကြီးလွှတ်တော် သို့မဟုတ် ပြည်နယ် လွှတ်တော်ကိုယ်စားလှယ် ခုနှစ်ဦးကို အမည်စာရင်း ပြောင်းလဲလိုကြောင်း တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် ရွေးကောက်ပွဲ ဥပဒေပုဒ်မ၃၃ နဲ့အညီ အကြောင်းကြားချက်အရ ပြည်ထောင်စုရွေးကောက်ပွဲကော်မရှင်က စိစစ်ပြီး ၁၈.၁.၂၀၁၆ ရက်စွဲပါ ကော်မရှင်ရဲ့ ကြေငြာချက် အမှတ် (၃/၂၀၁၆) တွင်ဖော်ပြထားသည့် အောက်ပါ တပ်မတော်သား တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်ကိုယ်စားလှယ် ခုနှစ်ဦးတို့အား ယှဉ်တွဲပါအတိုင်း အစားထိုး ပြောင်းလဲလိုက်ကြောင်း ထုတ်ပြန်ချက်တွင်ပါရှိသည်။
 
(က) ကရင်ပြည်နယ်လွှတ်တော်မှ ကြည်း(၁၈၆၃၇) ဗိုလ်မှူးကြီး အောင်လွင်အစား၊ ကြည်း(၂၂၆၁၇) ဗိုလ်မှူးကြီး မျိုးမင်းနောင်၊ (ခ) ချင်းပြည်နယ်လွှတ်တော်မှ ကြည်း(၂၁၁၂၃) ဗိုလ်မှူးကြီး ကျော်ကျော်အစား၊ ကြည်း(၂၅၉၉၅) ဗိုလ်မှူးကြီး ဟန်ဝင်းအောင်၊ (ဂ) မကွေးတိုင်းဒေသကြီး လွှတ်တော်မှ ကြည်း(၂၀၅၉၅) ဗိုလ်မှူးကြီးနိုင်ဦးအစား၊ ကြည်း(၂၀၈၂၅) ဗိုလ်မှူးကြီး မင်းဦး၊ (ဃ) မန္တလေးတိုင်းဒေသကြီး လွှတ်တော်မှ ကြည်း(၂၁၆၅၈) ဗိုလ်မှူးကြီး မျိုးမင်းအောင်အစား၊ ကြည်း(၂၆၁၀၉) ဗိုလ်မှူးကြီး ကျော်ကျော်မင်း၊ (င) ရခိုင်ပြည်နယ်လွှတ်တော်မှ ကြည်း(၁၇၅၁၇) ဗိုလ်မှူးကြီး ထိန်လင်းအစား၊ ကြည်း(၂၂၆၆၆)ဗိုလ်မှူးကြီး ဖုန်းတင့်၊ (စ)ရန်ကုန်တိုင်းဒေသကြီး လွှတ်တော်မှ ကြည်း(၂၀၆၈၂) ဗိုလ်မှူးကြီးတင်အောင်ထွန်းအစား၊ ကြည်း(၂၇၁၈၉) ဗိုလ်မှူးကြီးအောင်စိုးမိုး၊ (ဆ)ရှမ်းပြည်နယ်လွှတ်တော်မှ ကြည်း(၁၉၇၂၉)ဗိုလ်မှူးကြီး စိုးမိုးအောင်အစား၊ ကြည်း(၂၃၉၁၁) ဗိုလ်မှူးကြီး နိုင်ဝင်းအောင်တို့အား အစားထိုးပြောင်းလဲ လိုက်ကြောင်း သိရှိရပါတယ်။
 
 

Related News