ပညာရေးဝန်ကြီးဌာန၊ အဆင့်မြင့်ပညာရေးဦးစီးဌာနကပဉ္စမအကြိမ်မြောက် မြန်မာနိုင်ငံ လူကုန်ကူးမှုတိုက် ဖျက်ရေး အထိမ်းအမှတ်အနေနဲ့  စက်တင်ဘာလ (၈)ရက်က ရန်ကင်းပညာရေး ကောလိပ်၊ လေ့ကျင့်ရေးအလယ်တန်းကျောင်းမှာ ပြုလုပ်ခဲ့ပါတယ်။ လူကုန်ကူးမှု တိုက်ဖျက်ရေးအခမ်းအနားနဲ့ ဟောပြောပွဲတွေကို ကျောင်းတွေမှာပြုလုပ်ရတာဟာ ကျောင်းသား၊ ကျောင်းသူတွေအနေနဲ့ လူကုန်ကူးမခံရအောင် မိမိကိုယ်ကို ကာကွယ်နိုင်ဖို့ နဲ့ လူကုန်ကူးမှုတိုက်ဖျက်ရေးတွေမှာလည်း ပါဝင်ဆောင်ရွက်လာနိုင်ဖို့ ရည်ရွယ်ချက်နဲ့  ပြုလုပ်တာဖြစ်တယ်လို့ သိရပါတယ်။ လူကုန်ကူးမှုတိုက်ဖျက်ရေးအခမ်းအနားနဲ့ ဟောပြောပွဲမှာရန်ကင်းမြို့နယ်လူကုန်ကူးမှု တားဆီးကာကွယ်ရေးအဖွဲ့မှလည်း လူကုန်ကူးမှု တားဆီးကာကွယ်ရေးနဲ့ပတ်သက်ပြီး အသိပညာပေး ပြောကြားခဲ့ပါတယ်။

ဒီလိုပညာပေးရာမှာ လူကုန်ကူးမယ့် ပွဲစားတွေရဲ့လိမ်လည်မှုမခံရအောင်၊ လိမ်လည်မှုတွေတွေ့ရှိပါက သက်ဆိုင်ရာဌာနတွေကို အကြောင်းကြားနိုင်အောင် ပညာပေး ပြောကြားခဲ့တယ်လို့သိရပါတယ်။  ကျောင်းသား၊ ကျောင်းသူတွေကတော့ ကျောင်းတွေမှာ လူကုန်ကူးမှုနဲ့ပတ်သက်တဲ့ အသိပညာ ပေးတွေ၊ လူကုန်ကူးခံရပါက လုပ်ဆောင်ရမယ့် အချက်တွေ၊ လူကုန်ကူးမှုကိုပါ ၀င်တိုက်ဖျက်ပေးနိုင်မယ့်အချက်တွေကို ဟောပြောပေးတဲ့အတွက် အသိပညာတွေ ရရှိလာတယ်လို့ ပြောပါတယ်။ လာမယ့် စက်တင်ဘာလ(၁၃)ရက်မှာ ကျရောက်မယ့် ပဉ္စမအကြိမ်မြောက်မြန်မာ နိုင်ငံလူကုန်ကူးမှု တိုက်ဖျက်ရေးအခမ်းအနားကိုတော့ မူးယစ်ဆေးဝါးပပျောက်ရေး အထိမ်းအမှတ် ပြတိုက်မှာ ပြုလုပ်သွားမယ်လို့သိရပါတယ်။

 

Related News