မူးယစ်ဆေးစွဲပြဿနာနဲ့ ပတ်သက်ပြီး အဖြေရှာရန်အတွက် ထိုင်း-မြန်မာနှစ်နိုင်ငံပူးပေါင်းပြီး ဒုတိယအကြိမ်မြောက် အလုပ်ရုံဆွေးနွေးပွဲကို စက်တင်ဘာလ(၈)ရက်နေ့က မန်္တလေးရှိ ဟိုတယ်မန်္တလေးမှာပြုလုပ်ခဲ့ပါတယ်။ အခြေနေအရပ်ရပ်ကြောင့် မူးယစ်ဆေးသုံးစွဲနေသူတွေကို ကုသရေးနှင့်ပြန်လည်ထူထောင်ရေး ၀န်ဆောင်မှုအခွင့်များလက်လှမ်းမီစေရေးနဲ့ လူမူဘ၀မြှင့်တင်စေရေး လုပ်ငန်းတွေပြန်လည် လုပ်ကိုင်နိုင်ဖို့ စနစ်ကျတဲ့ ကုသရေးစနစ်များတည်ထောင်ပြီးမူးယစ်ဆေးစွဲကုသရေးလုပ်ငန်းစဉ်တွေ ဖော်ဆောင်သွားဖို့စတဲ့ ရည်ရွယ်ချက်များနဲ့ ထိုင်း-မြန်မာ နှစ်နိုင်ငံကြား ညှိနှိုင်းဆွေးနွေးမှုတွေ လုပ်ဆောင်ခဲ့ကြပါတယ်။

မြန်မာနိုင်ငံနဲ့ ထိုင်းနိုင်ငံမှာ အဓိကသုံးစွဲနေကြတဲ့ မူးယစ်ဆေးအမျိုးအစားတွေနဲ့ သုံးစွဲမှုတွေအလိုက်ကုသနိုင်မယ့်နည်းလမ်းတွေကို နှစ်နိုင်ငံကြားဆွေးနွေးဖလှယ်ခဲ့ကြပါတယ်။ ယခုလိုအလုပ်ရုံဆွေးနွေးပွဲတွေကို ၂၀၁၆ ခုနှစ်က ရန်ကုန်မြို့မှာ ပြုလုပ်ခဲ့သလို  ယခုတစ်ကြိမ် မန်္တလေးမြို့မှာ ပြုလုပ်တဲ့ဆွေးနွေးပွဲရလဒ်အပေါ်အခြေခံပြီး နှစ်နိုင်ငံအကြား သင်တန်းပေးမှုတွေ ဆက်လက်ပြုလုပ်နိုင်ဖို့အတွက် အဓိကဆွေးနွေးခဲ့ကြတာဖြစ်တယ်လို့ သိရပါတယ်။

 

Related News