မြန်မာနိုင်ငံတစ်ဝှမ်းရှိ ပြည်သူများထံသို့ တယ်လီဖုန်းမက်ဆေ့များ (Message)၊ ဖေ့ဘုတ်ခ်များ (Facebook) ၊ မက်ဆင်ဂျာများ (Messenger)မှ တစ်ဆင့် စက်တင်ဘာလ ၁၁ ရက်နေ့တွင် အကြမ်းဖက် တိုက်ခိုက်မှုများ ပြုလုပ်ရန် စီစဉ်နေသည်ဆိုသည့် သတိပေးသွေးထိုးလှုံ့ဆော်မှုများ ဖြန့်ဝေနေသည်ကို သိရှိနေရပါသည်။နိုင်ငံတော်အစိုးရအနေဖြင့် အကြမ်းဖက်တိုက်ခိုက်မှုများ ပြုလုပ်မည်ဆိုသည့် သတင်းကြား သိချိန်မှစတင်ပြီး အများပြည်သူများသို့ သတိပေးထုတ်ပြန်ချက်များ ထုတ်ပြန်ထားပြီး တစ်ဖက်ကလည်း လုံခြုံရေးဆိုင်ရာ ကိစ္စရပ်များကို အလေးထားဆောင်ရွက်လျက်ရှိပါသည်။
 
မတူညီသည့် လူ့အဖွဲ့အစည်း နှစ်ရပ်အကြား တယ်လီဖုန်းမက်ဆေ့များ (Message)၊ ဖေ့ဘုတ်ခ်များ (Facebook) ၊ မက်ဆင်ဂျာများ (Messenger) မှ သွေးထိုးလှုံ့ဆော်သည့် သတင်းများ ဖြန့်ဝေခြင်းမပြုကြရန်နှင့် ဖြန့်ဝေပေးပို့လာမှုများရှိပါက ပေးပို့လာသူများအား တာဝန်ရှိသူများထံ ဆက်သွယ်သတင်းပေးကြပါရန် အသိပေးအပ်ပါသည်။ပြည်သူများကြားတွင် အထိတ်တလန့် ဖြစ်စေသည့် ယင်းလုပ်ရပ်များကို လူ့အဖွဲ့အစည်း နှစ်ရပ်လုံးမှ ဆောင်ရွက်သည်ဟု ယူဆပါကြောင်း၊ ယင်းသို့ သွေးထိုးလှုံ့ဆော်မှု ဆောင်ရွက် သူများအား ဥပဒေနှင့်အညီ အရေးယူဆောင်ရွက်သွားမည် ဖြစ်တယ်လို့ သတင်းထုတ်ပြန်ရေး ကော်မတီက အသိပေးထုတ်ပြန်ထားပါတယ်။
 

Related News