ဖမ်းဆီးနည်း(ဆင့်ပွား)သင်တန်းအမှတ်စဉ် (၇။၂၀၁၇)ကို စက်တင်ဘာလ (၁၁)ရက်က ပြည်ထဲရေးဝန်ကြီးဌာန မြန်မာနိုင်ငံရဲတပ်ဖွဲ့ ရန်ကုန်တိုင်းဒေသကြီးရဲတပ်ဖွဲ့မှုးရုံးမှာ ဖွင့်လှစ်သင်ကြားနေတာဖြစ်ပါတယ်။ အခုလိုဖမ်းဆီးနည်း(ဆင့်ပွား) သင်တန်းတွေဖွင့်လှစ်သင်ကြားပေးနေတာဟာ ရဲတပ်ဖွဲ့ဝင်တွေ အနေနဲ့ တရားခံတွေဖမ်းဆီးရာမှာ နိုင်ငံတကာကသတ်မှတ်ထားတဲ့ စံနှုန်းတွေနဲ့ ဖမ်းဆီးနိုင်အောင်ရည်ရွယ်ပြီး သင်ကြားပေးနေတာဖြစ်တယ်လို့သိရပါတယ်။ လက်ရှိရန်ကုန်တိုင်း ဒေသကြီးကနယ်မြေတွေမှာ မြန်မာ့သိုင်း၊ ဂျူဒို စတာတွေကိုလည်းသင်ကြားပေးနေပြီး ဥပဒေဘောင်အတွင်းဖမ်းဆီးနိုင်ဖို့ကိုတော့ သင်တန်းနည်းပြတွေက EU ကပို့ချခဲ့တဲ့နည်းစနစ်တွေ အတိုင်းဆင့်ပွားသင်တန်းတွေပြုလုပ်သင်ကြားပေးနေတာဖြစ်တယ်လို့သိရပါတယ်။ အခုအကြိမ်ပြုလုပ်တဲ့ကဖမ်းဆီးနည်း(ဆင့်ပွား) သင်တန်းမှာတော့ ရန်ကုန်တိုင်းဒေသကြီး ရှိ ခရိုင် (၄)ခု နဲ့ ရန်ကုန်တိုင်းဒေသကြီးရဲတပ်ဖွဲ့မှုးရုံးက သင်တန်းသား စုစုပေါင်း အယောက် (၁၀၀) ကိုသင်ကြားပေးနေတာဖြစ်ပါတယ်။ ရန်ကုန်တိုင်းဒေသကြီးအတွင်းမှာ အခုလိုဖမ်းဆီးနည်း (ဆင့်ပွား) သင်တန်းတွေကို၂၀၁၅ခုနှစ်ကတည်းကသင်ကြားပို့ချပေးနေတာဖြစ်ပြီး စုစုပေါင်းသင်တန်း ပေးခဲ့ပြီးတဲ့ရဲတပ်ဖွဲ့ဝင်ဦးရေဟာ (၁၉၀၀) ကျော်ထိသင်ကြားပေးပြီးဖြစ်တယ်လို့ သိရပါတယ်။ 
 
 

Related News