ရခိုင်ပြည်နယ်အတွင်း ARSA အစွန်းရောက် ဘင်္ဂါလီအကြမ်းဖက်သမားများ၏ အကြမ်းဖက် တိုက်ခိုက်မှု လုပ်ရပ်များကြောင့် နေရပ်စွန့်ခွာ တိမ်းရှောင်နေရသည့် ဒေသခံတိုင်းရင်းသားပြည်သူများ၊ နိုင်ငံတော်ကာကွယ်ရေးနှင့် လုံခြုံရေးတာဝန်များကို ထမ်းဆောင်လျက်ရှိသည့် လုံခြုံရေး တပ်ဖွဲ့ဝင်များနှင့် ဌာနဆိုင်ရာ ၀န်ထမ်းများအတွက် တပ်မတော်(ကြည်း၊ ရေ၊ လေ) မိသားစုများနှင့် အနယ်နယ်အရပ်ရပ်မှ စေတနာရှင် အလှူရှင်များက လှူဒါန်းသည့် စားသောက်ကုန်များနှင့် လူသုံးကုန် ပစ္စည်းများဖြစ်သည့် ထောက်ပံ့ပစ္စည်းများကို စစ်တွေလေဆိပ်သို့ ဆက်လက် ပို့ဆောင်ပေးလျက်ရှိသည်။ ထိုသို့ပို့ဆောင်ပေးလျက်ရှိရာ  စက်တင်ဘာ(၁၁)ရက် နေ့လည်ပိုင်းတွင် လက်ဖက် ၁၄ အိတ်၊ ၀က်အူချောင်း ၂၃ ဖာ၊ ကြက်အူချောင်း သုံးဖာ၊ အသင့်စားထမင်းသုပ် ခြောက်ဖာ၊ ငါးသေတ္တာ ၂၅ ဖာ၊ ငါးပိထောင်း ၁၄ ဖာ၊ ခေါက်ဆွဲခြောက်(မုန့်တီ)နှစ်ဖာ၊ တီးမစ် နှစ်ဖာ၊ တီရှပ် တစ်ဖာ၊ စားဆီ ၁၄၂ ဖာ၊ ငါးပိကြော် ၁၅ ဖာ၊ အတွင်းခံ ခြောက်ထုပ်၊ အမယ်စုံ၂၅ ထုပ်၊ စွပ်ကျယ် ငါးထုပ်၊ မြေခင်း ၁၀ လိပ်၊ ခြေ အိတ် ၁၀၀၀ စုံ၊ ဓာတ်ခဲ တစ်ဖာ၊ ငါးပိကြော်နှင့် ပဲမုန့် ခြောက်ဖာတို့ကို တပ်မတော်လေယာဉ်ဖြင့် မင်္ဂလာဒုံလေတပ်စခန်းဌာနချုပ်မှ စစ်တွေလေဆိပ်သို့ ပို့ဆောင်ပေးရာ အဆိုပါလေယာဉ်သည် စစ်တွေလေဆိပ်သို့ မွန်းလွဲပိုင်းတွင် ရောက်ရှိခဲ့သည်။ ထို့အတူ နေရပ်စွန့်ခွာရွှေ့ပြောင်း ရောက်ရှိနေသည့် တိုင်းရင်းသားပြည်သူများလက်ဝယ်သို့ လုံခြုံရေးတပ်ဖွဲ့ ၀င်များက နေရာ အသီးသီး၌ လိုက်လံထောက်ပံ့ ပေးအပ်လျက်ရှိရာ စုစုပေါင်း ဒေသခံ တိုင်းရင်းသားပြည်သူ (၁၄၉၁)ဦးတို့ကို တပ်မတော်မှ ရဟတ်ယာဉ်၊ မော်တော်ယာဉ်များဖြင့် ထောက်ပံ့ပစ္စည်းများ လိုက်လံပေးအပ်ခဲ့ကြောင်း တပ်မတော်ကာကွယ်ရေးဦစီးချုပ်ရုံးမှ သတင်းထုတ်ပြန်ထားပါတယ်။ 
 
 
 

Related News