အပြည်ပြည်ဆိုင်ရာ မြန်မာနိုင်ငံရင်းနှီးမြုပ်နှံမှု ဖိုရမ်(Myanmar Global Investment Forum)ကို နေပြည်တော်မှာ နှစ်ရက်တာကျင်းပပြုလုပ်နေပါတယ်။ Myanmar Global Investment Forum ကို နေပြည်တော်မှာရှိတဲ့ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန-၂မှာ စက်တင်ဘာလ၁၂ရက်ကနေ ၁၃ရက်အထိပြုလုပ်နေတာဖြစ်ပြီး ဖွင့်ပွဲနေ့မှာ ပြည်ထောင်စု ၀န်ကြီးတွေ၊ ဒုတိယ၀န်ကြီးတွေအပါအ၀င်တာဝန်ရှိသူတွေတက်ရောက်ခဲ့ကြပါတယ်။ ယခုဆွေးနွေးပွဲမှာ မြန်မာနိုင်ငံရဲ့ စီးပွားရေးအခြေအနေရှုမြင်သုံးသပ်ချက်တွေ ရင်းနှီးမြုပ်နှံမူ အခြေအနေတွေ၊ ဘဏ်လုပ်ငန်းနဲ့ ဘဏ္ဍာရေးဆိုင်ရာ ပြုပြင်ပြောင်းလဲမှုတွေ၊ လျှပ်စစ်နဲ့စွမ်းအင်ကဏ္ဍ ပေါင်းစပ်မှုအခြေအနေတွေ အပါအ၀င် အခြေခံအဆောက်အဦးတွေနဲ့ ပတ်သက်ပြီး စိန်ခေါ်မူတွေ အကြောင်းကို ဆွေးနွေးလျက်ရှိပါတယ်။
 
ဒါ့အပြင် စက်မှုကဏ္ဍဖွံ့ဖြိုးတိုးတက်ရေး အခြေအနေတွေ၊ စိုက်ပျိုးရေးမွေးမြူရေးနဲ့ ပတ်သက်ပြီး တိုးတက်ရေးအခြေအနေတွေနဲ့ ပြည်တွင်းက ခရီးသွားကဏ္ဍ တိုးတက်ရေး ဆောင်ရွက်မူအခြေအနေတွေနဲ့ ပတ်သက်ပြီး ခေါင်းစဉ်အသီးသီးနဲ့ သက်ဆိုင်ရာ ပညာရှင်တွေ တာဝန်ရှိသူတွေ တက်ရောက်ဆွေးနွေး လျက်ရှိပါတယ်။ အပြည်ပြည်ဆိုင်ရာ မြန်မာနိုင်ငံရင်းနှီးမြုပ်နှံမှုဖိုရမ် (Myanmar Global Investment Forum) ကို မြန်မာနိုင်ငံရင်းနှီးမြုပ်နှံမှုကော်မရှင်နဲ့ ဟောင်ကောင်အခြေစိုက် Euromoney Institutional Investor (Asia) တို့ ပူးပေါင်းဆောင်ရွက်တာဖြစ်ပြီး ဌာနဆိုင်ရာတာဝန်ရှိသူတွေ အပြင် ပြည်တွင်းပြည်ပ စီးပွားရေးလုပ်ငန်းရှင်တွေအပါအ၀င် စုစုပေါင်း၁၂၀၀ကျော် တက်ရောက် ကြတယ်လို့ သိရပါတယ်။
 
 

Related News