တရုတ်ပို့ဆောင်ရေး အာဏာပိုင်တွေဟာ ကားရပ်နားတဲ့စနစ်သစ်တစ်ခုကို စတင်မိတ်ဆက် ခဲ့ပြီး ကားရပ်နားခကိုလည်း ဖုန်းအက်ပလီကေးရှင်း တစ်ခုအသုံးပြုပြီး ပေးချေနိုင်ဖို့ လုပ်ဆောင်လိုက်ပြီဖြစ်ပါတယ်။ တရုတ်နိုင်ငံရဲ့မြို့ကြီးတချို့မှာ ကားရပ်နားစနစ်သစ်တစ်ခုကို စတင်မိတ်ဆက်လိုက်ပြီး ဒီစနစ်ဟာ စည်းကမ်းမဲ့ကားရပ်နားတာကိုလျှော့ချနိုင်ဖို့နဲ့ ကားရပ်နားခကို စနစ်တကျသတ်မှတ်ကောက်ခံနိုင်ဖို့ဖြစ်တယ်လို့ တရုတ်ပို့ဆောင်ရေးအာဏာပိုင်တွေက ပြောပါတယ်။ သတ်မှတ်ထားတဲ့ နေရာဟာ ကားရဲ့အကျယ်အ၀န်းနဲ့ကိုက်ညီမှုရှိမရှိ ရွေးချယ်နိုင်ဖို့ သံလိုက်ကိရိယာ တစ်ခုစီကိုကားလမ်းမဘေးယာဉ်ရပ်နားရာနေရာတွေမှာ ထားရှိပေးထားမှာဖြစ်ပါတယ်။ သံလိုက်ကိရိယာဟာ အဲ့ဒီနေရာမှာ ကားရပ်နားဖို့အ ဆင်ပြေမှုရှိမရှိဆိုတာကို အချက်ပြမှာဖြစ်ပြီး ကားရပ်နားနိုင်ပြီဆိုရင်တော့ကားရပ်နားခကို ဖုန်းအက်ပလီကေးရှင်းတစ်ခုကနေ တစ်ဆင့်ပေးဆောင် နိုင်မှာ ဖြစ်ပါတယ်။

တရုတ်နိုင်ငံမြောက်ပိုင်း ဟိုင်းလောင်ကျီစီရင်စုက ဟာဘင်မြို့မှာ ယာဉ်ရပ်နားတဲ့ စနစ်သစ်ကို (၂၀၁၅)ခုနှစ်မှာ ရှေ့ပြေးစီမံကိန်းအနေနဲ့ စတင်ဆောင်ရွက်နေတာဖြစ်ပြီး လက်ရှိမှာတော့ တရုတ်နိုင်ငံအနှံ့အပြားက ကားလမ်းမဘေးယာဉ်ရပ်နားစခန်းတွေမှာ အသုံးပြုနေပြီ ဖြစ်ပါတယ်။ ယခုနှစ်အကုန်လောက်မှာ ကားရပ်နားစနစ်သစ်ကို တရုတ်နိုင်ငံတစ်ဝန်း အသုံးပြုနိုင် အောင် လုပ်ဆောင်နေတယ်လို့ ကားရပ်နားစနစ်သစ်ရဲ့ တာဝန်ခံလူကျင်းဝေက ပြောပါတယ်။  (၂၀၁၉)ခုနှစ် နောက်ဆုံးထားပြီး  တရုတ်နိုင်ငံတစ်နိုင်ငံလုံးမှာ ကားရပ်နားခကို အီလက်ထရောနစ် စနစ်နဲ့ပေးချေနိုင်အောင် လုပ်ဆောင်သွားမှာဖြစ်တယ်လို့ တရုတ်ပို့ဆောင်ရေး အာဏာပိုင်တွေက ပြောပါတယ်။ 

 

Related News