ရန်ကုန်တောင်ပိုင်းခရိုင်အတွင်းက ဆိပ်ကြီးခနောင်တိုမြို့နယ်နဲ့ ခနောင်တိုချောင်းအတွင်း ဆောင်ရွက်နေတဲ့ ရပ်ရွာနေပြည်သူ အခြေပြု ရဲလုပ်ငန်းတွေကို ရန်ကုန်တိုင်းဒေသကြီး ရဲတပ်ဖွဲ့မှူး ရဲမှူးချုပ်ဝင်းနိုင် ဦးဆောင်ပြီး စက်တင်ဘာ ၂၆ ရက် ညပိုင်းမှာ လိုက်လံစစ်ဆေးပါတယ်။ ရပ်ရွာနေပြည်သူအခြေပြု ရဲလုပ်ငန်းဆိုတာ တရားဥပဒေစိုးမိုးရေး၊ နယ်မြေအေးချမ်း သာယာရေးနှင့် မှုခင်းကျဆင်းရေးတို့ကို ပြည်သူလူထုနှင့် မြန်မာနိုင်ငံရဲ တပ်ဖွဲ့များ ပူးဆောင်ရွက်တဲ့ လုပ်ငန်းတစ်ခုဖြစ်ပါတယ်။ ဒီအခြေပြု ရဲလုပ်ငန်းတွေကို ရန်ကုန်ဒေသကြီးအစိုးရက ထောက်ပံ့မှုတွေ ပေးနေပြီး ရန်ကုန်တိုင်းဒေသကြီးရဲတပ်ဖွဲ့မှ ကြီးကြပ်ဆောင်ရွက်နေတာလည်း ဖြစ်ပါတယ်။ ဒီလို ကြီးကြပ်ဆောင်ရွက်ပေးနေတဲ့ ရပ်ရွာနေပြည်သူအခြေပြု ရဲလုပ်ငန်းတွေကြောင့် ရဲတပ်ဖွဲ့ဝင် တွေနဲ့ ဆက်သွယ်ဆောင်ရွက်တာတွေ လျင်မြန်လာပြီ မှုခင်းတွေကျဆင်းသွားတယ်လို့ ရပ်မိရပ်ဖတွေ က ပြောပါတယ်။
 
ရပ်ရွာနေပြည်သူအခြေပြု အဖွဲ့တွေမှာ ရပ်ကွက်အတွင်းမှ အုပ်ချုပ်ရေးမှူး၊ ရပ်မိရပ်ဖများ၊ ဆယ်အိမ်မှူး၊ ရာအိမ်မှူး၊ မီးသတ်တပ်ဖွဲ့ဝင်တွေနဲ့ လူငယ်တွေပါဝင်ဖွဲ့စည်းထားကြပြီး အခုလုပ်ကိုင် နေတဲ့ အခြေပြုလုပ်ငန်းတွေမှာ ပြည်သူတွေ ပူးပေါင်းပါဝင်မှု လိုအပ်တယ်လို့တယ် ရဲတပ်ဖွဲ့ဝင်တွေက ပြောပါတယ်။ အခုဆောင်ရွက်နေတဲ့ ရပ်ရွာနေပြည်သူအခြေပြုရဲလုပ်ငန်းတွေ စတင်ဆောင်ရွက်ပြီး နောက်မှာ ရန်ကုန်တိုင်းဒေသကြီးအတွင်း မှုခင်းတွေကျဆင်းသွားတယ်လို့ ရန်ကုန်တိုင်းဒေသကြီး ရဲတပ်ဖွဲ့မှ ရဲမှူးလှဝေက ပြောပါတယ်။ ရန်ကုန်မြစ်အတွင်းက ရေကြောင်းရဲတပ်ဖွဲ့ကလည်း  ရေယာဉ် ၆ စီးနဲ့ ရန်ကုန်မြစ်ဝမှ ရွှေပြည်သာမြို့နယ်အထိ တာဝန်ထမ်းဆောင်နေပြီး ရေလယ်ကျောက်ချရပ်နားထားတဲ့ သဘောင်္များ၊ ကမ်းကပ်ရပ်နားထားတဲ့ ရေယာဉ်များလုံခြုံရေး အတွက်လည်း ညအချိန်များတွင် ကင်းလှည် စောင့်ကြပ်နေတယ်လို့ ပြောပါတယ်။ ဆိတ်ကြီးခနောင်တိုမြို့နယ်ထဲမှာ ရက်ကွက် ၉ ရက်ကွက်ရှိပြီး ရပ်ရွာနေပြည်သူအခြေပြု အဖွဲ့ ၉ ဖွဲ့ရှိပါတယ်။ မြို့နယ်အတွင်း နေထိုင်ကြသူတွေကတော့ သဘောင်္ကျင်းလုပ်ငန်း၊ ရေလုပ်ငန်းနှင့် လယ်ယာလုပ်ငန်းလုပ်ကိုင်ကြပြီး အများစုကတော့ ရန်ကုန်မြို့ကို နေချင်းပြန် သွားရောက် အလုပ်လုပ်ကိုင်ကြတယ်လို့ သိရပါတယ်။
 
 

Related News