ရခိုင်ပြည်နယ်မှာဖြစ်ပွားခဲ့တဲ့အကြမ်းဖက်မှု ဖြစ်စဉ်တွေကြောင့် တစ်ဖက်ဘင်္ဂလားဒေ့ရှ် နိုင်ငံဖက်ကို ထွက်ပြေးတိမ်းရှောင်နေသူတွေကို နေရာနှစ်ခုကနေ စိစစ်ပြီးပြန်လည်လက်ခံ သွားမယ်လို့ လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန ပြည်ထောင်စုဝန်ကြီး ဒေါက်တာဝင်းမြတ်အေးက ပြောပါတယ်။ စက်တင်ဘာလ ၂၇ ရက်က နေပြည်တော်မှာရှိတဲ့ လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနရုံးမှာပြုလုပ်တဲ့ရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေးကော်မတီရဲ့  တတိယအကြိမ်မြောက် အစည်းအဝေးမှာ ပြောကြားခဲ့တာပါ။ ထွက်ပြေးတိမ်းရှောင်နေသူတွေကို ပြန်လည်စိစစ်ခေါ်ယူရာမှာ ကုန်လမ်းကနေ ပြန်လာသူတွေကို တောင်ပြိုလက်ဝဲမှာလည်းကောင်း၊ ရေလမ်းကြောင်းက ပြန်လာသူတွေကို ငါးခူရမှာ လည်းကောင်း စိစစ်သွားမှာ ဖြစ်ပြီး ပြန်လည်နေရာချထားပေးဖို့ရာ အတွက်တော့ ဒါးကြီးဇားကျေးရွာကို လျာထားတယ်လို့ ဒေါက်တာဝင်းမြတ်အေးကပြောပါတယ်။ 
 
အဆိုပါနေရာနှစ်ခုက စိစစ်လက်ခံရာမှာလဲ ၁၉၉၃ ခုနှစ်က မြန်မာနိုင်ငံနဲ့  ဘင်္ဂလားဒေရှ့်နိုင်ငံတို့အကြား သဘောတူညီထားတဲ့ အချက်တွေနဲ့ အညီ စိစစ်လက်ခံသွားမှာဖြစ်ပြီး အဆင်ပြေအောင်ဆောင်ရွက်သွား မှာဖြစ်ကာ ဦးစားပေးလုပ်ဆောင်ရမယ့် အချက်တွေကို ကြိုတင်ပြင်ဆင်ထားတယ်လို့ ဆိုပါတယ်။ ဒါ့အပြင် ဘင်္ဂလာဒေရှ့်နိုင်ငံဖက်ကို ထွက်ပြေးတိမ်းရှောင် နေသူတွေကို ပြန်လည်လက်ခံရေးနဲ့ ပတ်သက်ပြီး ဘင်္ဂလားဒေ့ရှ့်နိုင်ငံအစိုးရနဲ့ ဆွေးနွေးညှိနှိုင်းဖို့ရာ အတွက် နိုင်ငံတော်အတိုင်ပင်ခံရုံးဝန်ကြီးဌာန ပြည်ထောင်စုဝန်ကြီး ဦးကျော်တင့်ဆွေသွားရောက် မယ်လို့ သိရပါတယ်။ အဆိုပါရခိုင်ပြည်နယ်ဆိုင်ရာ အကြံပြုချက်များအပေါ် အကောင်အထည်ဖော်ဆောင်ရွက်ရေး ကော်မတီရဲ့ တတိယအကြိမ်မြောက် အစည်းအဝေးမှာဝန်ကြီးဌာနအလိုက် ရခိုင်ပြည်နယ်မှာ ဦးစားပေးဆောင်ရွက်မယ့် လုပ်ငန်းစဉ်တွေကိုလည်း ဆွေးနွေးခဲ့ကြတယ်လို့ သိရပါတယ်။ 
 
 

Related News