ရန်ကုန်က လမ်းချိုင့်ခွက်ပြုပြင်ဖာထေးတာတွေကို  ခေတ်မီစက်ယန္တရားတွေနဲ့ လုပ်ဆောင်ဖို့ကို တိုင်းဒေသကြီးလွှတ်တော်မှာ  စက်တင်ဘာ ၂၉ ရက်က တိုက်တွန်းပြောကြား လိုက်တာဖြစ်ပါတယ်။ ရန်ကုန်က လမ်းချိုင့်ခွက်တွေကို ပြုပြင်ဖာထေးတာ ထိရောက်မှုမရှိလို့ ခေတ်မီစက်ယန္တရား တွေအပါအ၀င် လိုအပ်တဲ့ ပစ္စည်းကိရိယာ အပြည့်အစုံနဲ့ စနစ်တကျအသုံးပြုပြီး စံချိန်စံညွှန်း ပြည့်မှီအောင် ပြုပြင်ဖာထေးလုပ်ဆောင်ဖို့ တိုင်းဒေသကြီးလွှတ်တော်မှာ လွှတ်တော် ကိုယ်စားလှယ် နှစ်ဦးက တိုက်တွန်းလိုက်ကြတာဖြစ်ပါတယ်။ လုပ်ဆောင်ဖို့ ရှိ၊မရှိနဲ့ ဘယ်အချိန် လုပ်ဆောင်မလဲ ဆိုတာကိုပါ မေးမြန်းလိုက်တာပါ။ ဒီမေးခွန်းတွေနဲ့ ပတ်သက်လို့ ရန်ကုန်မြို့တော်ဝန်က ကိုယ်စားလှယ်တွေအကြံပြုတဲ့အတိုင်းလိုအပ်တဲ့ လမ်းသုံးပစ္စည်းကိရိယာတွေဖြည့်ဆည်းပေးတာတွေ၊ပြုပြင်ဖာထေးရာမှာလဲ စနစ်တကျနဲ့ လိုအပ်တဲ့အထူထုရောက်အောင်၊ မူလမ်းပုံစံအတိုင်းညီညာပြန့်ဖြူးအောင် အောက်ခြေအဆင့်အထိ စနစ်တကျ ဆောင်ရွက်ပေးနေတယ်လို့လဲ ဆိုလိုက်ပါတယ်။ဒါ့ပြင် လိုအပ်တာတွေကိုလဲ ဖြည့်ဆည်း ဆောင်ရွက်ပေးသွားမယ်လို့ရန်ကုန်မြို့တော်ဝန်က ပြန်လည်ဖြေကြားလိုက်ပါတယ်။ခေတ်မီစက်ယန္တရားတွေနဲ့ ပတ်သက်လို့လဲ ပြည်ပနိုင်ငံတွေမှာ အစဉ်မပြတ်သွားရောက် လေ့လာမှုတွေ ပြုလုပ်နေပြီး လမ်းချိုင့်ခွက် ပြုပြင်ဖာထေးတဲ့ခေတ်မီစက်ယန္တရားတွေကို ၀ယ်ယူ လုပ်ဆောင်ဖို့လဲ အစီစဉ်ရှိသလို နောက်ဘဏ္ဍာနှစ်တွေမှာ ဖြည့်တင်းဝယ်ယူမှုတွေ ပြုလုပ်သွား မယ်လို့လဲ ရန်ကုန်မြို့တော်ဝန်က ပြောကြားလိုက်ပါတယ်။ 
 
 

Related News