မြန်မာနိုင်ငံရဲတပ်ဖွဲ့ဝင်တွေဟာ နိုင်ငံတော်နဲ့ပြည်သူအကျိုးပြုအလုပ်တွေကို လုပ်ကိုင်နေရတာ ဖြစ်ကြောင့် မိမိတို့ရဲ့အလုပ်အပေါ်ဂုဏ်ယူစွာနဲ့အစဉ်အမြဲကြိုးပမ်းလုပ်ဆောင်သွားကျဖို့ ဒုတိယသမ္မတဦးမြင့်ဆွေက တိုက်တွန်းပြောကြားလိုက်ပါတယ်။အောက်တိုဘာလ တစ်ရက်နေ့က နေပြည်တော်မှာရှိတဲ့ သင်္ဂဟဟိုတယ်မှာပြုလုပ်ခဲ့တဲ့ (၅၃)နှစ်မြောက် မြန်မာနိုင်ငံရဲတပ်ဖွဲ့နေ့အခမ်းအနားမှာ ဒုတိယသမ္မတက အဖွင့်မိန့်ခွန်းပြောကြားစဉ် ထည့်သွင်းပြောကြားခဲ့တာပါ။ ဒုတိယသမ္မတဦးမြင့်ဆွေက မြန်မာနိုင်ငံရဲတပ်ဖွဲ့ဝင်တွေအနေနဲ့ မိမိတို့ရဲ့လုပ်ဆောင်ချက်တွေနဲ့ ပက်သက်ပြီး နေ့စဉ်လုပ်ငန်းဆောင်ရွက်ချက်တွေ၊ မှုခင်းဖြစ်ပွားမူ အခြေအနေတွေ၊ ပြည်သူတွေရဲ့ လိုလားချက် တွေကို ဖြည့်ဆည်းဆောင်ရွက်ပေးနေတာတွေနဲ့ ပက်သက်ပြီး မီဒီယာတွေကတစ်ဆင့် အသိပေးကာ ရဲတပ်ဖွဲ့နဲ့ ပြည်သူလူထုဆက်ဆံရေးကို တိုးမြှင့်ဆောင်ရွက်ပြီး ပြည်သူလူထုရဲ့ ယုံကြည်အားကိုးမှုကိုလဲ မြှင့်တင်ပေးဖို့ လိုအပ်တယ်လို့ထပ်လောင်းပြောကြားခဲ့ပါတယ်။
 
ဒါ့အပြင်ယခုကျင်းပခဲ့တဲ့ (၅၃)နှစ်မြောက်မြန်မာနိုင်ငံရဲတပ်ဖွဲ့နေ့ အခမ်းအနားမှာ ရဲတပ်ဖွဲ့ဝင် တွေထဲက ရဲသူရဆုတံဆိပ်ရရှိခဲ့သူ(၆)ဦးအပါအ၀င် စွမ်းရည်သတ္တိဂုဏ်ထူးဆောင် ဆုတံဆပ်ရရှိသူ (၄၀)ဦးတို့ကိုလဲ ဆုတံဆိပ် တွေပေးအပ်ခဲ့တယ်လို့လည်းသိရပါတယ်။ နေပြည်တော်မှာကျင်းပခဲ့တဲ့(၅၃)နှစ်မြောက် မြန်မာနိုင်ငံရဲတပ်ဖွဲ့နေ့အခမ်းအနားကို ဒုတိယ သမ္မတ ဦးမြင့်ဆွေ၊ ပြည်ထောင်စုလွှတ်တော်နာယကဦးမန်းဝင်းခိုင်သန်းနဲ့ ပြည်ထောင်စုဝန်ကြီးတွေ၊ ဒုတိယ၀န်ကြီးတွေအပါအ၀င် မြန်မာနိုင်ငံရဲတပ်ဖွဲ့က တာဝန်ရှိသူတွေနဲ့တပ်ဖွဲ့ဝင်တွေ တက်ရောက်ခဲ့ ကြပါတယ်။
 
 

Related News